ក្រុមហ៊ុនវ៉ាក់សាំងអាល្លឺម៉ង់ CureVac NV បាននិយាយកាលពីថ្ងៃពុធថា វ៉ាក់សាំងកូវីដ ១៩ របស់ខ្លួន មានប្រសិទ្ធភាពត្រឹមតែ ៤៧% ប៉ុណ្ណោះ ក្រោយសាកល្បងដំណាក់កាលចុងក្រោយ ដែលបង្កើតឱ្យមានមន្ទិលថា តើការសន្យាថានឹងនាំចេញវ៉ាក់សាំងនេះរាប់រយលានដូសទៅសហគមន៍អឺរ៉ុប នឹងត្រូវបរាជ័យដែរ ឬយ៉ាងណា។
ការសាកល្បងវ៉ាក់សាំង CureVac ឬហៅម្យ៉ាងទៀតថា CVnCoV បានមកពីការវិភាគបណ្តោះអាសន្ន ដោយផ្អែកលើករណីវិជ្ជមាននៃជំងឺកូវីដ ១៩ ចំនួន ១៣៤ ករណី ជាមួយនឹងអ្នកស្ម័គ្រចិត្តចូលរួមសាកល្បងប្រហែល ៤ ម៉ឺននាក់ នៅអឺរ៉ុបនិងអាមេរិកឡាទីន។
ក្រុមហ៊ុនដែលចូលភាគហ៊ុនជាមួយនឹងក្រុមហ៊ុនវ៉ាក់សាំង CureVac និងចំនួនអ្នកទិញវ៉ាក់សាំងខ្លួននៅ អឺរ៉ុបនៅថ្ងៃអនាគត បានកើនឡើងជាខ្លាំង ក្រោយមានការកម្រិតអាយុដាក់ឱ្យប្រើប្រាស់វ៉ាក់សាំង Johnson & Johnson និងវ៉ាក់សាំង AstraZeneca ដោយសារមានជាប់ពាក់ព័ន្ធនឹងជំងឺឈាមកម្រកកធ្ងន់ធ្ងរផងដែរ។
គោលបំណងរបស់ក្រុមហ៊ុន CureVac គឺរំពឹងថានឹងជួយជំរុញដល់ប្រទេសដែលមានប្រាក់ចំណូលទាបនិងមធ្យម ដែលត្រូវប្រឈមមនឹងភាពយឺតយ៉ាវនៃការចែកចាយវ៉ាក់សាំងជាងបណ្តាប្រទេសអ្នកមាន៕