.jpg)
កាលពីថ្ងៃព្រហស្បតិ៍ ទី ១៧ មិថុនា ក្រុមហ៊ុនផលិតប្រេង Chevron Corp និងក្រុមហ៊ុន Occidental Petroleum Corp បានឱ្យ ដឹងថា ពួកគេនឹងដកបុគ្គលិកមួយចំនួន និងអនុវត្តការប្រុងប្រយ័ត្នពីព្យុះនៅឯ ឈូងសមុទ្រម៉ិកស៊ិកមុនពេលមានព្យុះត្រូពិក។
ស្ថានីយឧតុនិយមអាមេរិកបាននិយាយកាលពីថ្ងៃទី ១៧ មិថុនាថា នៅតំបន់ឈូងសមុទ្រម៉ិកស៊ិកអាចនឹងមានព្យុះត្រូពិកមួយនៅថ្ងៃទី ១៨ ហើយនឹងទៅដល់នៅឆ្នេរសមុទ្ររដ្ឋ Louisiana និង Mississippi។
ក្រុមហ៊ុន Chevron បាននិយាយថា ក្រុមហ៊ុនបានដកបុគ្គលិកដែលមិនមានភារកិច្ចសំខាន់ពីកន្លែងចម្រាញ់ប្រេងអាមេរិកចំនួន ៣ នៃឈូងសមុទ្រម៉ិកស៊ីកូហើយបានជម្លៀសបុគ្គលិកពីកន្លែងចម្រាញ់ប្រេងទី ៤ ចេញទាំងស្រុង។
អ្នកនាំពាក្យក្រុមហ៊ុន Chevron លោកស្រី Deena McMullen បាននិយាយថា៖ «យើងនឹងបន្តឃ្លាំមើលស្ថានភាពព្យុះនេះយ៉ាងដិតដល់ ហើយយើងនៅតែផ្តោតការយកចិត្តទុកដាក់លើសុវត្ថិភាពបុគ្គលិករបស់យើងនិងការការពារបរិស្ថាន»។ នេះបើយោងតាមការស្រង់សម្តីរបស់សារព័ត៌មាន Reuters៕
