.jpg)
ប៉ូលិសបារាំងកំពុងស្វែងរកស្ត្រី ២ នាក់ បន្ទាប់ពីករណីស្លាប់របស់អ្នកថ្មើរជើងម្នាក់ដែលត្រូវម៉ូតូអគ្គិសនីបុកនៅទីក្រុងប៉ារីស។ ស្ត្រីទាំង ២ នាក់នោះ ត្រូវបានគេរាយការណ៍ថាកំពុងធ្វើដំណើរក្នុងល្បឿនលឿនហើយមិនបានឈប់ដែលបង្កឱ្យ មានការប៉ះទង្គិចជាមួយអ្នកថ្មើរជើង។
នារីរងគ្រោះត្រូវបានគេរាយការណ៍ថា កំពុងដើរជាមួយមិត្ដភក្ដិម្នាក់ហើយបានដួលបោកក្បាលទៅលើថ្ម និងរងរបួសបេះដូង។ នាងមានដើមកំណើតមកពី តំបន់ Tuscany នាងបម្រើការជាជាអ្នករត់តុនៅក្នុងភោជនីយដ្ឋានអ៊ីតាលីមួយ។
ករណីនេះបានធ្វើឱ្យមានការជជែកវែកញែកជាថ្មីអំពីម៉ូតូអគ្គិសនីនៅទីក្រុងប៉ារីស ដែលមានការព្រួយបារម្ភអំពីសុវត្ថិភាពរបស់អ្នកថ្មើរជើង។ នៅឆ្នាំ ២០១៩ រដ្ឋាភិបាលបារាំងបានដាក់ចេញនូវច្បាប់បន្ទាប់ពីមានករណីរាប់រយទាក់ទងនឹងម៉ូតូអគ្គិសនី ដែលបណ្តាលឱ្យ មានអ្នកស្លាប់ជាច្រើន។ ច្បាប់នោះតម្រូវឱ្យ អ្នកជិះត្រូវមានអាយុយ៉ាងតិច ១២ ឆ្នាំហើយមិនអាចជិះកង់ម៉ូតូលើចិញ្ចើមផ្លូវបានទេ៕
