.jpg)
បុគ្គលិកសុខាភិបាលកំពុងបូមវ៉ាក់សាំងកូវីដ១៩ចាក់ឱ្យប្រជាជន។ AFP
រដ្ឋាភិបាលកណ្តាលរបស់ប្រទេសឥណ្ឌាកាលពីថ្ងៃសៅរ៍ បានទទូចដល់រដ្ឋនានាឱ្យប្រុងប្រយ័ត្នក្នុងការរឹតបន្តឹងសង្គមឡើងវិញ ដោយភាពប្រុងប្រយ័ត្ន ការពារកុំឱ្យមានការរីករាលដាលឡើងវិញ ដែលប៉ះពាល់យ៉ាងខ្លាំងដល់ប្រទេសនេះ។
រដ្ឋនានានៅប្រទេសឥណ្ឌា កំពុងបន្ធូរបន្ថយការរឹតត្បិតជាបណ្ដើរៗ ខណៈរលកទី២ នៃការីករាលដាលនៃជំងឺកូវីដ ១៩ ហាក់ដូចជាលេចឡើងវិញ បច្ចុប្បន្នប្រទេសនេះស្ថិតនៅលំដាប់ទី២ បន្ទាប់ពីសហរដ្ឋអាមេរិក ដោយមានចំនួនឆ្លងសរុបប្រមាណ ២៩,៨២លាននាក់និងមានករណីស្លាប់ចំនួន ៣៨ ម៉ឺននាក់ផងដែរ។
ចាប់តាំងពីការបន្ធូរបន្ថយការរឹតត្បិតនេះមក ហ្វូងមនុស្សនិងចរាចរណ៍បានចាប់ផ្ដើមដំណើរការពាសពេញតាមដងផ្លូវនានាក្នុងទីក្រុងទូទាំងប្រទេសឥណ្ឌា។ រដ្ឋលេខាធិការប្រចាំប្រទេស លោកស្រី Ajay Bhalla បានជំរុញឱ្យរដ្ឋនានាត្រូវត្រួតពិនិត្យការប្រកាន់ខ្ជាប់ជាប្រចាំនូវគោលការណ៍ការពារជំងឺឆ្លងជានិច្ច ដោយរក្សាអនាម័យ គម្លាតសង្គមជានិច្ច។
គួរបញ្ជាក់ផងដែរថា ប្រទេសឥណ្ឌាកាលពីថ្ងៃសៅរ៍បានរាយការណ៍ករណីថ្មីចំនួន ៦០ ៧៥៣ ករណី និងការស្លាប់ចំនួន ១ ៦៤៧ ក្នុងរយៈពេល ១ ថ្ងៃ។ នេះបើយោងតាមសេចក្តីថ្លែងការណ៍របស់រដ្ឋាភិបាលនៅថ្ងៃដដែលនេះ៕
