នាយករដ្ឋមន្រ្តីហ្វីលីពីនលោក Rodrigo Duterte គំរាមដាក់គុកប្រជាពលរដ្ឋណាដែលបដិសេធមិនទទួលការចាក់វ៉ាក់សាំងការពារកូវីដ ១៩ ខណៈករណីវិជ្ជមានកូវីដ ១៩ បន្តកើនឡើង។
តាមការស្រង់សម្តីរបស់សារព័ត៌មាន CNA នាយករដ្ឋមន្រ្តីហ្វីលីពីន លោក Duterte បានថ្លែងក្នុងសុន្ទរកថាតាមទូរទស្សន៍មួយនៅថ្ងៃទី ២១ ខែមិថុនាថា៖ «អ្នកមិនទទួលការចាក់វ៉ាក់សាំង ឬខ្ញុំនឹងឱ្យអ្នកជាប់គុក»។ លោកបានបន្តនិយាយថា កុំយល់ខុសពីអ្វីដែលលោកបាននិយាយប្រទេសកំពុងជួបវិបត្តិ លោកគ្រាន់តែខឹងនឹងជនជាតិហ្វីលីពីនដែលមិនយកចិត្តទុកដាក់ទៅលើវិធានការរបស់រដ្ឋាភិបាល។
ការលើកឡើងរបស់លោក Duterte គឺផ្ទុយពីការលើកឡើងរបស់មន្រ្តីសុខាភិបាលរបស់លោកដែលបាននិយាយថា ការទទួលការចាក់វ៉ាក់សាំងការពារកូវីដ ១៩ នេះជាការស្ម័គ្រចិត្ត។
គិតត្រឹមថ្ងៃទី ២០ ខែមិថុនា អាជ្ញាធរហ្វីលីពីនបានចាក់វ៉ាក់សាំងការពារកូវីដ ១៩ ទៅដល់ប្រជាជនចំនួន ២,១ លាននាក់ ដែលគោលដៅរបស់រដ្ឋាភិបាលក្នុងការចាក់វ៉ាក់សាំង គឺមានរហូតដល់ ៧០ លាននាក់នៅឆ្នាំនេះ៕