.jpg)
គ្រូពេទ្យលើកបង្ហាញវ៉ាក់សាំង Sinopharm។ រូបថត AFP
ប្រទេសថៃ អនុញ្ញាតឱ្យប្រើប្រាស់វ៉ាក់សាំងការពារកូវីដ ១៩ របស់ក្រុមហ៊ុន Sinopharm ដែលវ៉ាក់សាំង នេះនឹងត្រូវត្រួតពិនិត្យសុវត្ថិភាពដោយនាយកដ្ឋានអាហារ និងឱសថរបស់ថៃមុនដាក់ឱ្យប្រជាជនថៃទទួលការចាក់វ៉ាក់សាំងនោះ។
លោកវេជ្ជបណ្ឌិត Supakit Sirilak អគ្គនាយកនៃវិទ្យាសាស្ត្រវេជ្ជសាស្ត្របាននិយាយកថា វ៉ាក់សាំង Sinopharm ដំបូងបានមកដល់ប្រទេសថៃ នៅថ្ងៃទី ២០ ខែមិថុនា ហើយនាយកដ្ឋានបានយកគំរូវ៉ាក់សាំងនោះ ដើម្បីធ្វើការត្រួតពិនិត្យសុវត្ថិភាព និងគុណភាព។
គួរបញ្ជាក់ផងដែរថា វ៉ាក់សាំងការពារកូវីដ ១៩ ទាំងអស់ត្រូវតែធ្វើតេស្តដោយនាយកដ្ឋានជាមុនមុនពេលវ៉ាក់សាំងត្រូវបានដាក់ឱ្យប្រើប្រាស់ជាសាធារណៈ។
ប្រធាននាយកដ្ឋានបាននិយាយថា ការធ្វើតេស្តវ៉ាក់សាំងនៅមន្ទីរពិសោធន៍ គឺត្រូវត្រួតពិនិត្យសុវត្ថិភាពដើម្បីធានាថា វ៉ាក់សាំងនោះបំពេញតាមស្តង់ដាដែលបានកំណត់ដោយនាយកដ្ឋានចំណីអាហារ និងឱសថរបស់ប្រទេសថៃ។
លោកបានបន្តនិយាយថា លទ្ធផលពីមន្ទីរពិសោធន៍របស់យើងបានសន្និដ្ឋានថា វ៉ាក់សាំងនេះ គឺបំពេញតាមស្តង់ដាដែលបានកំណត់។ នាយកដ្ឋានបានចេញវិញ្ញាបនបត្ររួចហើយ ដូច្នេះវ៉ាក់សាំងនេះអាចដាក់ឱ្យប្រើប្រាស់ជាសាធារណបាន។
រាជបណ្ឌិតសភា Chulabhorn បានធ្វើបច្ចុប្បន្នភាពផែនការចែកចាយវ៉ាក់សាំងនៅលើទំព័រហ្វេសប៊ុករបស់ខ្លួនដោយនិយាយថា ក្រុមហ៊ុន និងអង្គការចំនួន ៦ ៤៣៧ នឹងទទួលបានវ៉ាក់សាំង ដើម្បីផ្តល់ទៅដល់មនុស្ស ៧៧៩ ៣០០ នាក់នៅខែសីហានេះ៕
