អធិការកិច្ចមួយនៅឆ្នាំ ២០១៨ បានគូសបញ្ជាក់អំពីកំហុសដ៏ធំមួយនៅក្នុង រចនាដើមនៃអគារដែលបានដួលរលំនៅជិតទីក្រុង Miami រដ្ឋ Florida។តាមការផ្សាយរបស់សារព័ត៌មាន BBC របាយការណ៍វិស្វករដែលទើបបានផ្សព្វផ្សាយជាសាធារណៈបានបង្ហាញថា អគារនៅ Miami រដ្ឋ Florida មានបញ្ហាពីប្រព័ន្ធបង្ហូរទឹកចេញពីមូលដ្ឋាននៃឆ្នេរសមុទ្រ Champlain Towers។
វិស្វករលោក Frank Morabito បាននិយាយថា កង្វះប្រព័ន្ធបង្ហូរទឹកត្រឹមត្រូវ គឺជាបញ្ហាដែលផ្តើមចេញពីគុណវិបត្តិក្នុងការអភិវឌ្ឍឯកសារកិច្ចសន្យាដើម។ លោកបានសរសេរថា ការការពារទឹកជ្រាបមិនបាន បង្កឱ្យមានការខូចខាតរចនាសម្ព័ន្ធសំខាន់ៗចំពោះសំណង់បេតុងនៅខាងក្រោមតំបន់ទាំងនេះទេ។ អគារនេះមានបន្ទប់ ១៣៦ ហើយបន្ទប់ចំនួន ៥៥ នៃអគារទាំងនោះ បានដួលរលំកាលពីព្រឹកថ្ងៃទី ២៤ មិថុនា។
តាមការស្រង់សម្តីរបស់កាសែត New York TImes លោក Kenneth Direktor មេធាវីដែលធ្វើការក្នុងរឿងនេះ បាននិយាយថា វិស្វករបានរកឃើញដែកថែបប្រេះ និងបេតុងដែលខូចខាតដែលត្រូវការការជួសជុល។
ការសិក្សាពីអ្នកស្រាវជ្រាវនៅសាកលវិទ្យាល័យអន្តរជាតិហ្វ្លរីដា ដែលបានចេញផ្សាយកាលពីឆ្នាំមុនបានរកឃើញថា អគារនេះបានស្រុតចុះ ២ មិល្លីម៉ែត្រក្នុង ១ ឆ្នាំ ក្នុងទសវត្សរ៍ឆ្នាំ ១៩៩០ ដែលអាចប៉ះពាល់ដល់រចនាសម្ព័ន្ធ៕