កាលពីថ្ងៃសុក្រ ទី ២៥ មិថុនា យ៉ាងហោចណាស់មានមនុស្ស ៣ នាក់បានស្លាប់ នៅក្នុងការវាយប្រហារដោយការចាក់នឹងកាំបិតនៅក្នុងទីក្រុង Würzburg ប្រទេសអាល្លឺម៉ង់។
ជនសង្ស័យដែលមានអាយុ ២៤ ឆ្នាំ ជាជនអន្តោប្រវេសន៍សូម៉ាលីបានយកកាំបិតពីហាងទំនិញ ហើយធ្វើការវាយប្រហារទៅលើមនុស្សនៅក្នុងហាងទំនិញនោះ រួចធ្វើការវាយប្រហារអ្នកធ្វើដំណើរនៅខាងក្រៅ។ ស្ត្រី ៥ នាក់ និងកុមារម្នាក់ ក៏បានរងរបួសផងដែរនៅក្នុងការវាយប្រហារនេះ។
ប៉ូលិសបាននិយាយថា ជនសង្ស័យអាចមានបញ្ហាផ្លូវចិត្តហើយអាចមានជំនឿសាសនាអ៊ិស្លាមជ្រុលនិយម។ កាលពីថ្ងៃទី ២៦ មិថុនា លោកបានបង្ហាញខ្លួននៅក្នុងតុលាការដោយចោទប្រកាន់ពីបទឃាតកម្មចំនួន ៣ និងបទប៉ុនប៉ងធ្វើឃាត ៦ ដង និងបង្កអន្តរាយដល់រាងកាយធ្ងន់ធ្ងរ៕