.jpg)
កាលពីថ្ងៃអាទិត្យ ទី ២៧ មិថុនា ប៉ូលិសហុងកុង បានចាប់ខ្លួនអតីតអ្នកកាសែតរបស់កាសែត Apple Daily នៅឯអាកាសយានដ្ឋានអន្តរជាតិដោយចោទប្រកាន់លោក ពីបទបំពានច្បាប់សន្តិសុខជាតិ។
លោក Fung Waikong ជាបុគ្គលិកទី៧ នៃកាសែត Apple Daily មានទំនោរគាំទ្រលទ្ធិប្រជាធិបតេយ្យហើយត្រូវបានចាប់ខ្លួនពីបទបំពានច្បាប់សន្តិសុខជាតិ ក្នុងប៉ុន្មានសប្តាហ៍ថ្មីៗនេះ។ ប្រព័ន្ធផ្សព្វផ្សាយក្នុងស្រុកបានរាយការណ៍ថា លោកជានិពន្ធនាយក និងជាអ្នកសរសេរអត្ថបទនៅកាសែត Apple Daily។
ប៉ូលិសហុងកុងបាននិយាយនៅក្នុងសេចក្តីថ្លែងការណ៍មួយថា លោក Fung Wai-kong ត្រូវបានចាប់ខ្លួននៅអាកាសយានដ្ឋានពីបទឃុបឃិតជាមួយបរទេស ឬកងកម្លាំងបរទេស ដើម្បីបង្កគ្រោះថ្នាក់ដល់សន្តិសុខជាតិ។ ពួកគេបាននិយាយបន្ថែមថា លោកត្រូវបានឃុំខ្លួន។ អាជ្ញាធរបាននិយាយថា អត្ថបទជាច្រើនរាប់សិបសន្លឹកប្រហែលជាបានរំលោភលើច្បាប់សន្តិសុខជាតិ ដែលកំណត់ដោយប្រទេសចិន៕
