សមាជិករដ្ឋចំនួន ១៩៣ របស់អង្គការសហប្រជាជាតិបានខកខានក្នុងការព្រមព្រៀងលើថវិកាការពារសន្តិភាពសម្រាប់ឆ្នាំនេះ ដែលអាចនាំឱ្យមានការរាំងស្ទះដល់បេសកកម្មទាំងអស់ប្រសិនបើកិច្ចព្រមព្រៀងមួយមិនត្រូវបានសម្រេចឆាប់ៗនេះ។
ថវិកាសម្រាប់ប្រតិបត្តិការការពារសន្តិភាពពិភពលោករបស់អង្គការសហប្រជាជាតិមានប្រមាណ ២០ បេសកកម្មនៅទូទាំងពិភពលោកដែលបានកងទ័ពមួកខៀវ ១០ ម៉ឺននាក់ដែលបេសកកម្មទាំងនោះមានទឹកប្រាក់ចំនួនប្រមាណ ៦,៥ ពាន់លានដុល្លារអាមេរិក និងសម្រាប់រយៈពេល ១២ ខែ។ កិច្ចព្រមព្រៀងទាំងនោះត្រូវចាប់ផ្តើមជារៀងរាល់ឆ្នាំនៅថ្ងៃទី ១ ខែកក្កដា។
អគ្គលេខាធិការរងអង្គការសហប្រជាជាតិសម្រាប់ប្រតិបត្តិការការពារសន្តិភាពលោក Jean-Pierre Lacronix កាលពីឆ្នាំមុន បាននិយាយថា ការចរចាថវិកាក្នុងចំណោមរដ្ឋជាសមាជិកមានភាពស្មុគស្មាញ។ ប៉ុន្តែកិច្ចចរចាទាំងនោះបានបញ្ចប់ដោយកិច្ចព្រមព្រៀងមួយនៅថ្ងៃទី ២៣ ខែ មិថុនា ឆ្នាំ ២០២០ ពោលគឺ ១ សប្តាហ៍មុនថ្ងៃកំណត់។
លោក Lacronix មាននិយាយថា ឆ្នាំនេះហានិភ័យគឺថា អំឡុងពេលរហូតដល់មានការសម្រេចលើថវិកានោះត្រូវបានធ្វើឡើងដោយមហាសន្និបាតបេសកកម្មរបស់យើង យើងនឹងជួបប្រទះនូវឧបសគ្គក្នុងការចំណាយលើវិធានការដើម្បីការពារបុគ្គលិករបស់យើងប៉ុណ្ណោះ។
លោកបាននិយាយបន្ថែមថា នេះគឺជាលទ្ធភាពដែលគួរឱ្យព្រួយបារម្ភជាពិសេសនៅក្នុងបរិយាកាសដែលបេសកកម្មរបស់យើងភាគច្រើនកំពុងប្រតិបត្តិការក្នុងស្ថានភាពលំបាកនិងគ្រោះថ្នាក់៕