.jpg)
ប្រជាជនចាស់ៗរងចាំចាក់វ៉ាក់សាំងកូវីដ ១៩ នៅពហុកីឡាដ្ឋានក្នុងទីក្រុងតៃប៉ិ កាលពីថ្ងៃទី ១៥ មិថុនា។ AFP
កាលពីថ្ងៃអង្គារ ទី ២៩ ខែមិថុនា អនុរដ្ឋមន្រ្តីក្រសួងមហាផ្ទៃតៃវ៉ាន់លោក Chen Tsung-yen បាននិយាយថា ការបន្ថែមវ៉ាក់សាំងចំនួន ៤១០ ០០០ ដូសបន្ថែមទៀតនៃវ៉ាក់សាំង Moderna នឹងត្រូវដឹកទៅដល់កោះតៃវ៉ាន់នៅថ្ងៃទី ៣០ មិថុនា។
តាមការស្រង់សម្តីរបស់សារព័ត៌មាន CNA លោក Chen បានប្រាប់អ្នកសារព័ត៌មានថាវ៉ាក់សាំងការពារកូវីដ ១៩ ចំនួន ៤១០ ០០០ ដូស គួរតែមកដល់នៅរសៀលថ្ងៃទី ២៩ ឬពេលព្រលប់ប្រសិនបើមិនមានការប្រែប្រួល។
កោះតៃវ៉ាន់បានព្យាយាមទិញវ៉ាក់សាំងការពារកូវីដ ១៩ ដើម្បីពន្លឿនយុទ្ធនាការវ៉ាក់សាំងកូវីដ ១៩ ដោយខ្លួនបានបញ្ជាទិញវ៉ាក់សាំងចំនួន ១០ លានដូសពីក្រុមហ៊ុន AstraZeneca Plc និង ៤,៧៦ លានដូស ពីគម្រោងចែករំលែកជាសកលរបស់ COVAX សម្រាប់ប្រទេសដែលមានប្រាក់ចំណូលទាប។
តៃវ៉ាន់បានបញ្ជាទិញពីក្រុមហ៊ុនតៃវ៉ាន់ចំនួន ២ ដែលកំពុងផលិតវ៉ាក់សាំងក្នុងស្រុកដែលគិតជាទឹកប្រាក់ប្រមាណ ១០ លានដូល្លារអាមេរិកទៀត៕
