តុលាការកំពូលរបស់ប្រទេសអាហ្វ្រិកខាងត្បូង បានកាត់ទោសអតីតប្រធានាធិបតី លោក Jacob Zuma ឱ្យជាប់ពន្ធនាគាររយៈពេល ១៥ ខែ កាលពីថ្ងៃអង្គារពីបទមិនបានបង្ហាញខ្លួនក្នុងការស៊ើបអង្កេតអំពើពុករលួយ ក្រោយតុលាការបានទុកពេល ៥ ថ្ងៃ ឱ្យគាត់បង្ហាញខ្លួននៅចំពោះមុខប៉ូលិស។
លោក Zuma មិនបានបង្ហាញមុខនៅក្នុងការស៊ើបអង្កេតដែលដឹកនាំដោយអនុប្រធានយុត្តិធម៌ លោក Raymond Zondo កាលពីខែកុម្ភៈ ហើយមេធាវីរបស់អ្នកស៊ើបអង្កេត បានសុំដីការតុលាការ ដើម្បីសុំឱ្យមានការដាក់ពន្ធនាគារលោក។
លោក Amanda Gouws សាស្រ្តាចារ្យវិទ្យាសាស្ត្រនយោបាយនៃសាកលវិទ្យាល័យ Stellenbosch មានប្រសាសន៍ថា៖ «គាត់បានលុបចោលជម្រើសផ្លូវច្បាប់របស់គាត់ទាំងអស់ ពីព្រោះគ្មានតុលាការជាន់ខ្ពស់ណា ដែលត្រូវប្តឹងឧទ្ធរណ៍លោកនោះទេ។ ជាទូទៅតុលាការធម្មនុញ្ញជាកន្លែងចុងក្រោយ ដែលលោកត្រូវប្រឈមមុខចំពោះករណីលោក»។
គួរបញ្ជាក់ផងដែរថា លោក Zuma អាយុ ៧៩ ឆ្នាំ ចាញ់ឆ្នោត ដោយលោកប្រធានាធិបតី Cyril Ramaphosa ក្នុងឆ្នាំ ២០១៨ ។ចាប់តាំងពីពេលនោះមក គាត់បានប្រឈមមុខនឹងវិធានច្បាប់នានា ដែលរួមមានការចោទប្រកាន់ពីបទពុករលួយធំៗ ក្នុងអំឡុងពេលលោកកាន់តំណែង៕