.jpg)
អាហ្រ្វិកខាងត្បូងបានប្រកាសបិទខ្ទប់ប្រទេសយ៉ាងហោចណាស់ ២ សប្តាហ៍ ដើម្បីប្រយុទ្ធប្រឆាំងនឹងរលកទី៣ នៃជំងឺកូវីដ ១៩ ដោយវ៉ារ្យ៉ង់ Delta ថ្មី។ប្រធានាធិបតី លោក Cyril Ramaphosa ក្នុងសុន្ទរកថាទូទាំងប្រទេស កាលពីថ្ងៃអាទិត្យកន្លងមក។
រលកទី៣ បច្ចុប្បន្ន កំពុងរីករាលដាលនៅតំបន់ Gauteng ដែលជាតំបន់ក្បាលម៉ាស៊ីនសេដ្ឋកិច្ចរបស់អាហ្រ្វិកខាងត្បូង។ ការរឹតបន្តឹងវិធានការពារការឆ្លងជំងឺ រួមមានទាំងការហាមឃាតការប្រជុំក្នុងផ្ទះ និងក្រៅផ្ទះ លើកលែងតែពិធីបុណ្យសព និងបម្រាមគោចរត្រូវបានបង្កើតឡើងចាប់ពីម៉ោង ៩ យប់និង ៤ ព្រឹក ផងដែរ។
ការលក់គ្រឿងស្រវឹង ក៏ត្រូវបានហាមឃាត់ខណៈពេលធ្វើដំណើរចូលនិងចេញពីតំបន់ Gauteng ដែលជាតំបន់រងគ្រោះខ្លាំងជាងគេ នឹងត្រូវហាមឃាត់ ហើយភោជនីយដ្ឋាននឹងត្រូវបានអនុញ្ញាតឱ្យខ្ជប់ និងដឹកជញ្ជូនតែប៉ុណ្ណោះ។ ដោយឡែក សាលារៀនក៏ត្រូវបានបិទផងដែរ។
លោក Ramaphosa បាននិយាយថា៖ «យើងកំពុងស្ថិតនៅក្នុងស្ថានភាពតឹងតែងខ្លាំង ហើយរលកលើកនេះហាក់ដូចជាអាក្រក់ជាងរលកមុនៗ។ ករណីឆ្លងខ្លាំងបំផុតនៃរលកលើកនេះ មើលទៅខ្ពស់ជាងរលក ២ មុនទៅទៀត ហើយក៏អាចនឹងមានរយៈយូរជាងរលកទាំង ២ ដែរ»៕
