ថ្ងៃទី ៣០ ខែ មិថុនា ឆ្នាំ ២០២០ ជាថ្ងៃមួយ ដែលទីក្រុងប៉េកាំងបានដាក់ច្បាប់សន្តិសុខជាតិ (NSL) ចូលជាធរមានដែលបង្កឱ្យមានការផ្លាស់ប្តូរយ៉ាងខ្លាំងលើកូនកោះមួយនេះ។ ក្រុមគាំទ្រលទ្ធិប្រជាធិបតេយ្យ ត្រូវបានរដ្ឋាភិបាលចាប់ខ្លួន ខណៈកាសែតគាំទ្រលទ្ធិប្រជាធិបតេយ្យ ត្រូវបានបង្ខំឱ្យបិទទ្វារ ឬ ត្រូវបិទសេរីភាពបញ្ចេញមតិ ដោយខ្លួនឯងក្រុមនយោបាយ និងក្រុមតស៊ូមតិត្រូវបានបែកខ្ញែកគ្នា ហើយប្រជាជនរាប់ពាន់នាក់ បានភៀសខ្លួនទៅបរទេស។
អ្នកស្រី Yamini Mishra នាយកប្រចាំតំបន់អាស៊ី-ប៉ាស៊ីហ្វិករបស់អង្គការ Amnesty International បានឱ្យដឹងថា៖ «ក្នុងរយៈពេល១ឆ្នាំច្បាប់សន្តិសុខជាតិ បានដាក់ទីក្រុងហុងកុងលើវិថីមួយដែលប៉ូលិសលើកោះ បង្កើតភាពចលាចលផ្នែកសិទ្ធិមនុស្សដល់ប្រជាជនដែលរស់នៅទីនោះ»។
អ្នកស្រីបានបន្ថែមថា៖ «គិតចាប់ពីនយោបាយ រហូតដល់វប្បធម៌ ពីវិស័យអប់រំដល់ប្រព័ន្ធផ្សព្វផ្សាយ ច្បាប់នេះ បានជះឥទ្ធិពលដល់គ្រប់ផ្នែកនៃសង្គមហុងកុងនិងបង្កើតបរិយាកាសភ័យខ្លាចដែលបង្ខំឱ្យ អ្នកស្រុកត្រូវប្រុងប្រយ័ត្ន និងមានភាពភ័យខ្លាចនូវរាល់អំពើដែលគេធ្វើ។ បន្ថែមពីនេះ ច្បាប់នេះ បានគំរាមកំហែងដល់ទីក្រុងនឹងធ្វើឱ្យកោះនេះ ក្លាយជាតំបន់រំលោភសិទ្ធិមនុស្ស ស្រដៀងទៅនឹងប្រទេសចិនដីគោក»។
អ្នកសម្របសម្រួលកម្មវិធីស្តីទី លោក Chung Chung-fai បានប្រាប់អ្នកយកព័ត៌មានថា ពាក្យសុំដើរហែក្បួន ដោយក្រុមគាំទ្រលទ្ធិប្រជាធិបតេយ្យ ៣ ផ្សេងទៀត ត្រូវបានប៉ូលិសបដិសេធ កាលពីថ្ងៃចន្ទ ដោយបានលើកឡើងពីមូលហេតុនៃបញ្ហាជំងឺការរាតត្បាតជំងឺកូវីដ ១៩។ លោកបានបន្ថែមថា៖ «នៅឆ្នាំនេះ យើងមិនអាចដាក់ពាក្យសុំណាមួយក្រោមឈ្មោះនៃរណសិរ្សបានទេ»។
ច្បាប់សន្តិសុខជាតិ (NSL) បានប្រែក្លាយទីក្រុងហុងកុងយ៉ាងខ្លាំងក្នុងរយៈពេល ១ឆ្នាំកន្លងមក។ មនុស្សមួយចំនួនបានធ្វើចំណាកស្រុកមួយ ចំណែកធំទៀតថា គ្រោងនឹងធ្វើចំណាកស្រុកក្នុងពេលឆាប់ៗ ហើយអ្នកខ្លះទៀតថា គ្រោងនឹងនៅលើកោះនេះដដែល ប៉ុន្តែឈប់ពាក់ព័ន្ធរឿងនយោបាយទៀត។
ការផ្លាស់ប្តូរក្នុងរយៈពេល១ឆ្នាំនេះ មានលក្ខណៈចម្រុះ ដោយខ្លះបាននិយាយថា កោះដែលធ្លាប់ស្ថិតនៅក្រោមអាណានិគមអង់គ្លេសបានប្រែទៅជា "កោះហុងកុងថ្មី" ឬ ហៅម្យ៉ាងទៀតថា "ទីក្រុង Shenzhenខាងត្បូង" ។
លោក Toru Kurataសាស្ត្រាចារ្យនយោបាយនិងច្បាប់នៃសាកលវិទ្យាល័យ Rikkyoក្នុងទីក្រុងតូក្យូ និងជាអ្នកឃ្លាំមើលហុងកុងនិងចិនយូរមកហើយនោះបានប្រាប់សារព័ត៌មាន Nikkei Asia ថា ច្បាប់សន្តិសុខនេះបានបង្កើត«ផលប៉ះពាល់គួរឱ្យរំជួលចិត្ត ដែលគ្របដណ្តប់លើសង្គមហុងកុងទាំងមូល»។
អ្នកវិភាគខ្លះទៀត បារម្ភថា ផលប៉ះពាល់ ដែលកើតឡើងកន្លងមក អាចនឹងធ្វើឱ្យច្បាប់នេះឈានទៅរកកំណែទម្រង់លើកទី២ ក្នុងឆ្នាំនេះ។ ប្រព័ន្ធផ្សព្វផ្សាយគាំទ្រលទ្ធិប្រជាធិបតេយ្យដ៏ល្បីល្បាញមួយឈ្មោះ Apple Daily បានឱ្យដឹងកាលពីសប្ដាហ៍មុនថា ស្ថាប័នខ្លួនចាប់ផ្ដើមមានការព្រួយបារម្ភដល់ស្ថាប័នសារព័ត៌មានដទៃទៀតក្នុងស្រុក ក្រោយរដ្ឋាភិបាលបានចាប់ខ្លួនអ្នកកាសែត និងបង្ខំឱ្យបិទស្ថាប័នខ្លួនកាលពីសប្ដាហ៍មុន។
លោក Kurata បានបន្ថែមថា លោកមិនបានសម្លឹងឃើញថា អាជ្ញាធរចាប់ផ្ដើមបន្ថូរបន្ថយសកម្មភាពខ្លួននាពេលឆាប់ៗនេះឡើយ។ សូម្បីតែប្រព័ន្ធតុលាការដែលជាអ្នកបង្កើតរូបមន្ត «ប្រទេស ១ ប្រព័ន្ធ ២» ដែលមានសុពលភាពរហូតដល់ឆ្នាំ ២០៤៧ ក៏ត្រូវបានជះឥទ្ធិពលគួរឱ្យកត់សម្គាល់ ដោយកាលៈទេសៈនយោបាយនៅក្នុងស្ថានភាពណាមួយ ដែលពាក់ព័ន្ធនឹងវិស័យនយោបាយ»។
ទោះយ៉ាងណា នៅមានក្រុមអ្នកគាំទ្រ និងសកម្មជនគាំទ្រលទ្ធិប្រជាធិបតេយ្យនៅក្នុងទីក្រុងមួយចំនួន ប៉ុន្តែពួកគេត្រូវមានការប្រុងប្រយ័ត្នខ្លាំង។ ក្រុមរណសិរ្សសិទ្ធិមនុស្សស៊ីវិល (CHRF) ត្រូវបានបង្កើតហើយប៉ុន្តែក្រុមទាំងនេះត្រូវប្រឈមនឹងហានិភ័យខ្ពស់។
លោក Figo Chan Ho-wun សកម្មជនរបស់រណសិរ្សបច្ចុប្បន្ន កាលពីខែឧសភាត្រូវបានកាត់ទោសឱ្យជាប់ពន្ធនាគាររយៈពេល ១៨ ខែ ពីបទចូលរួមក្នុងសភាដែលគ្មានការអនុញ្ញាតនៅឆ្នាំ ២០១៩ នៅពេលដែលគណបក្សកុម្មុយនីស្តចិនបានប្រារព្ធខួប ៧០ ឆ្នាំនៃការគ្រប់គ្រងរបស់ខ្លួន។
សមាជិកគណៈកម្មាធិការអចិន្ត្រៃយ៍នៃក្រុម CHRF លោក Richard Tsoi Yiu-cheong បានប្រាប់សារព័ត៌មាន Nikkei Asia ថា៖ «យើងមិនដឹងថា តើសម្ព័ន្ធហុងកុងនឹងប្រឈមមុខនឹងការលំបាកខ្លាំង ឬក៏ត្រូវប្រឈមនឹងការចាប់ខ្លួននៅថ្ងៃមុខនោះដែរ ឬយ៉ាងណាទេ ប៉ុន្តែគ្មានអ្វី ដែលមិនអាចទៅរួចនោះទេ»។
ចំណែកប្រធាននិងអនុប្រធានសម្ព័ន្ធភាពសកម្មជនសិទ្ធិកម្មករ លោក Lee Cheuk-yanកំពុងជាប់ពន្ធនា គាររយៈពេល ២០ ខែ ខណៈមេធាវីសិទ្ធិមនុស្ស Albert Ho Chun-yan កំពុងជាប់ពន្ធនាគាររយៈពេល ១៨ ខែផងដែរ។ ដោយឡែក ស្ថាបនិក Apple Daily លោក Jimmy Lai Chee-ying ក៏កំពុងជាប់ ពន្ធនាគារដូចគ្នា៕