.jpg)
លោករដ្ឋមន្ត្រីរដ្ឋមន្ត្រីសុខាផិបាលក្វាតេម៉ាឡា Amelia Flores (ឆ្វេង) និងលោករដ្ឋមន្ត្រីការបរទេសម៉ិកស៊ិក Marcelo Ebrard (កណ្តាល) ក្នុងពិធីប្រគល់ជំនួយវ៉ាក់សាំងកូវីដ ១៩។ AFP
កាលពីថ្ងៃអង្គារ ទី ២៩ មិថុនា រដ្ឋមន្រ្តីសុខាភិបាលក្វាតេម៉ាឡា លោក Amelia Flores បាននិយាយថា រដ្ឋាភិបាលខ្លួនបានស្នើសុំឱ្យប្រទេសរុស្ស៊ី សងប្រាក់ដែលបានចំណាយសម្រាប់ការទិញវ៉ាក់សាំង Sputnik V ដោយសារតែពុំមានការដឹកជញ្ជូនមក។
ប្រធានាធិបតីក្វាតេម៉ាឡា លោក Alejandro Giammattei បានចំណាយថវិកាចំនួន ៨០ លានដុល្លារ កាលពីដើមខែមេសាសម្រាប់ការទិញវ៉ាក់សាំងចំនួន ៨ លានដូស។ រដ្ឋាភិបាលបាននិយាយថារហូតមកដល់ពេលនេះ រដ្ឋាភិបាលបានទទួលវ៉ាក់សាំងតែ ១៥០ ០០០ ដូសប៉ុណ្ណោះ ខណៈដែលការឆ្លងកូវីដ ១៩ បានកើនឡើងដល់កម្រិតកំពូល។
លោករដ្ឋមន្រ្តីបាននិយាយថា ក្វាតេម៉ាឡាបានផ្តល់រយៈពេល ២០ ថ្ងៃ ដល់មូលនិធិវិនិយោគផ្ទាល់របស់រុស្ស៊ី (RDIF) ដែលទទួលខុសត្រូវក្នុងការលក់វ៉ាក់សាំងនៅបរទេស ដើម្បីផ្តល់នូវវ៉ាក់សាំងដែលបានសន្យា៕
