ឯកអគ្គរដ្ឋទូតអ៊ីរ៉ង់ប្រចាំនៅអង្គការសហប្រជាជាតិ (UN) លោក Majid Takht-Ravanchi បានថ្លែងថា ការដែលសហរដ្ឋអាមេរិកធានាខ្លួនឯងថា ខ្លួននឹងមិនចាកចេញពីកិច្ចព្រមព្រៀងនុយក្លេអ៊ែរអ៊ីរ៉ង់ជាឯកតោភាគីនោះ គឺមានសារៈសំខាន់ណាស់ចំពោះការបញ្ចប់ការពិភាក្សាស្តីពីលក្ខខណ្ឌនៃការវិលត្រឡប់របស់កិច្ច ព្រមព្រៀងរបស់សហរដ្ឋអាមេរិក ប្រកបដោយជោគជ័យនៅទីក្រុងវីយែន (Vienna)ប្រទេសអូទ្រីស។
ការអត្ថាធិប្បាយរបស់លោក គឺជាសញ្ញាផ្លូវការច្បាស់ជាងគេបំផុតដែលថា ការខ្វែងគំនិតគ្នារវាងសហរដ្ឋអាមេរិក និងអ៊ីរ៉ង់ ស្ដីអំពីការធានាឱ្យបាននូវភាពជឿទុកចិត្តគ្នានៅតែជាឧបសគ្គដ៏ធ្ងន់ធ្ងរសម្រាប់កិច្ចព្រមព្រៀងមួយនេះ។ លោក Donald Trump អតីតប្រធានាធិបតីអាមេរិក បានដកខ្លួនចេញពី កិច្ចព្រមព្រៀងនុយក្លេអ៊ែរក្នុងឆ្នាំ ២០១៨ ពោលគឺ ៣ ឆ្នាំ ក្រោយលោក Barack Obama ចុះហត្ថលេខាហើយ។
លោក Takht-Ravanchi បាននិយាយថា លុះត្រាតែសហរដ្ឋអាមេរិកធានាលើស្ថិរភាពនៅក្នុងប្រទេសនេះ ទើប អ្នកវិនិយោគអឺរ៉ុបនិងវិនិយោគិនដទៃទៀត មានទំនុកចិត្តក្នុងការវិនិយោគនៅក្នុងសេដ្ឋកិច្ចអ៊ីរ៉ង់បាន។
អ្នកការទូតអាមេរិក បាននិយាយថា ការធានាដែលអាចអនុវត្តបានតាមច្បាប់ មិនអាចត្រូវបានចរចាបាន ទេ ប្រសិនបើមានតែរដ្ឋបាលអាមេរិកមួយ ដែលមិនមានបានចូលរួម ដោយសភាដទៃទៀត ហើយទីក្រុងវ៉ាស៊ីនតោន ក៏មិនអាចពឹងផ្អែកលើការយល់ព្រមរបស់អង្គការសហប្រជាជាតិ ដើម្បីចាកចេញពីកិច្ចព្រមព្រៀងនេះដែរពីព្រោះការធ្វើដូចនេះ នឹងធ្វើឱ្យគោលនយោបាយអាមេរិកត្រូវងាកមកគោរពតាមសិទ្ធិវេតូរបស់រុស្ស៊ីនៅឯក្រុមប្រឹក្សាសន្តិសុខអង្គការសហប្រជាជាតិវិញឯណេះ។
កិច្ចពិភាក្សាទីក្រុង Vienna មានរយៈពេល ៣ ខែ ៦ ជុំ ៣ ហើយ។ លក្ខខណ្ឌលម្អិតភាគច្រើន ក៏ត្រូវបានព្រមព្រៀងគ្នាហើយដែរ ប៉ុន្តែមិនទាន់មានកាលបរិច្ឆេទណាមួយ ត្រូវបានកំណត់សម្រាប់ជុំទី៧ទេ ដោយសារអ៊ីរ៉ង់កំពុងត្រៀមខ្លួនទទួលប្រធានាធិបតីថ្មីរបស់ខ្លួន គឺលោក Ebrahim Raisi ដើម្បីចូលកាន់តំណែង និងអាចតែងតាំងរដ្ឋមន្រ្តីការបរទេសថ្មីដែលមានអរិភាពនឹងអាមេរិកជាងប្រធានាធិបតីចាស់ គឺលោក Mohammad Javad Zarif៕