កាលពីថ្ងៃអង្គារ ទី ៦ កក្កដា ប្រេសិតកំពូលរបស់សហរដ្ឋអាមេរិក បាននិយាយជាមួយសមភាគីចិនរបស់លោក បន្ទាប់ពីការបដិសេធម្តងហើយម្តងទៀតរបស់ក្រុងព្យុងយ៉ាង ចំពោះការប៉ុនប៉ងរបស់រដ្ឋបាលលោក បៃដិន ក្នុងការមានទំនាក់ទំនងតាមរយៈការសន្ទនា។
ក្រសួងការបរទេសចិនបាននិយាយថា មុននេះ អ្នកតំណាងពិសេសរបស់ខ្លួននៅឧបទ្វីបកូរ៉េលោក Liu Ximing បាននិយាយតាមទូរស័ព្ទជាមួយអ្នកតំណាងពិសេសរបស់សហរដ្ឋអាមេរិកលោក Sung Kim ហើយអ្នកទាំង ២ បានយល់ព្រមរក្សាទំនាក់ទំនងជាមួយគ្នា។
លោក Kim បានធ្វើទស្សនកិច្ចនៅប្រទេសកូរ៉េខាងត្បូង កាលពីខែមុន ដើម្បីព្យាយាមធ្វើកិច្ចចរចានុយក្លេអ៊ែរជាមួយកូរ៉េខាងជើង ហើយដែលមិនបានឆ្លើយតបទៅនឹងការចង់បានរបស់ក្រុងវ៉ាស៊ីនតោន បន្ទាប់ពីលោក ចូ បៃដិន ឡើងកាន់តំណែង។
អតីតប្រធានាធិបតី លោក Donald Trump ធ្លាប់បានធ្វើកិច្ចប្រជុំកំពូលចំនួន ៣ លើកជាមួយមេដឹកនាំកូរ៉េខាងជើង គីម ជុងអ៊ុន ប៉ុន្តែបានបរាជ័យក្នុងការបញ្ចុះបញ្ចូលប្រទេសនេះឱ្យបោះបង់ចោលផែន ការអាវុធនុយក្លេអ៊ែររបស់ខ្លួន៕