.jpg)
នាយកដ្ឋានដឹកជញ្ជូនសហរដ្ឋអាមេរិកបានបញ្ចប់ការបញ្ជាទិញសំបុត្រសម្រាប់ការធ្វើដំណើរតាមអាកាសរវាងសហរដ្ឋអាមេរិកទៅបេឡារុសដោយចំណាត់ការនេះ ធ្វើឡើងបន្ទាប់ពីទីក្រុង Minsk បានបង្ខំឱ្យជើងហោះហើរ Ryanair ចុះចត និងចាប់ខ្លួនអ្នកសារព័ត៌មានប្រឆាំងម្នាក់ ដែលជិះក្នុងយន្តហោះនោះ។
នាយកដ្ឋាននេះ បានចេញសេចក្ដីថ្លែងការណ៍នៅថ្ងៃទី ២៩ ខែមិថុនា ស្ដីអំពីបុព្វហេតុ ដែលស្នើឱ្យមានការរឹតត្បិត បន្ទាប់ពីក្រសួងការបរទេសសហរដ្ឋអាមេរិកបានកំណត់កម្រិតការធ្វើដំណើររវាងសហរដ្ឋអាមេរិក និងបេឡារុសស្ថិតនៅក្នុងគោលនយោបាយការបរទេសរបស់ទីក្រុងវ៉ាស៊ីនតោន ទាក់ទិននឹងការបង្វែងយន្តហោះ Ryanair (RYA.I) កន្លងមក។
ការបញ្ជាឱ្យបិទ ដែលមានប្រសិទ្ធភាពភ្លាមៗពីសំណាក់សហរដ្ឋអាមេរិកក៏ត្រូវអនុវត្តផងដែរចំពោះការធ្វើដំណើរជាលក្ខណៈ «អន្តរហោះហើរ» ដែលសំបុត្រធ្វើដំណើរទិញតាមរយៈក្រុមហ៊ុនអាកាសចរណ៍មួយអាចហោះហើរតាមជើងហោះហើរប្រតិបត្តិការ ដោយក្រុមហ៊ុនអាកាសចរណ៍ជាច្រើន។
ស្ថិតក្រោមការពិចារណារបស់រដ្ឋាភិបាលសហរដ្ឋអាមេរិកអស់រយៈពេលជាច្រើនសប្តាហ៍ការបញ្ជាឱ្យបិទនេះ ភាគច្រើនជានិមិត្តរូបចាប់តាំងពីសំបុត្រតិចតួចត្រូវបានទិញសម្រាប់ការធ្វើដំណើរទៅបេឡារុសពីសេវាកម្មធ្វើដំណើរដែលមានមូលដ្ឋាននៅសហរដ្ឋអាមេរិក។
យ៉ាងណាមិញ ការបញ្ជានេះនឹងអនុញ្ញាតឱ្យរដ្ឋាភិបាលសហរដ្ឋអាមេរិក ធ្វើការលើកលែងលើករណីនីមួយៗ សម្រាប់ការដឹកជញ្ជូនណាមួយដែលត្រូវបានចាត់ទុកថាជាផលប្រយោជន៍ជាតិរបស់សហរដ្ឋអាមេរិករួមទាំងនៅលើមូលដ្ឋានសន្តិសុខមនុស្សធម៌ ឬសន្តិសុខជាតិផងដែរ»៕
