ការិយាល័យរដ្ឋអាជ្ញាសហព័ន្ធអាល្លឺង់បាននិយាយកាលពីថ្ងៃអង្គារថា អ្នកវិទ្យាសាស្ត្រនយោបាយចូលនិវត្តន៍ម្នាក់របស់អាល្លឺម៉ង់ត្រូវគេចោទប្រកាន់ពីបទធ្វើចារកម្មឱ្យប្រទេសចិន អស់រយៈពេលជិត ១ ទសវត្សរ៍មកហើយ ដោយប្រើទំនាក់ទំនងនយោបាយដែលរូបលោកបានបង្កើតឡើងជាមួយអ្នកវិទ្យាសាស្ត្រនយោបាយដទៃទៀតនៅក្នុងពេលពិភាក្សា។
ប្រភពដដែលបានឱ្យដឹងថា បុរសរូបនេះត្រូវបានគេស្គាល់ឈ្មោះថា Klaus L.។ បើយោងតាមទំនៀមទម្លាប់របស់អាល្លឺម៉ង់អ្នកនយោបាយរូបនេះ ត្រូវបានគេជ្រើសរើសក្នុងអំឡុងពេលធ្វើដំណើរទៅបង្រៀននៅសៀងហៃក្នុងឆ្នាំ ២០១០ ពោលគឺមានរយៈពេលជិត ១០ ឆ្នាំ បន្ទាប់ពីលោកចូលរួមក្នុងក្រុមអ្នកវិទ្យាសាស្ត្រនយោបាយដទៃទៀត និងបញ្ជូនព័ត៌មានជាទៀងទាត់រហូតដល់ខែវិច្ឆិកា ឆ្នាំ ២០១៩ ដើម្បីជាថ្នូរនឹងប្រាក់ និងការធ្វើដំណើរទៅប្រទេសចិន។
ទូរទស្សន៍សាធារណៈ ARD បានឱ្យដឹងថា លោក Klaus L.ក៏ធ្លាប់ធ្វើជាជាភ្នាក់ងារស៊ើបការណ៍សម្ងាត់ឱ្យស្ថាប័នស៊ើបអង្កេតអាល្លឺម៉ង់ (the BND) អស់រយៈពេលកន្លះសតវត្សរ៍មុនពេលចូលនិវត្តន៍ផងដែរ។ ប្រភពដដែលនេះក៏បាននិយាយផងដែរថា លោក Klaus L. បានធ្វើការឱ្យមូលនិធិ Hanns Seidel ដែលមានមូលដ្ឋាននៅទីក្រុងមុយនិច និងជាមូលនិធិមានទំនាក់ទំនងជាមួយសហភាពសង្គមគ្រិស្ទាន (CSU) ជាសាខាគណបក្សសហភាពប្រជាធិបតេយ្យគ្រិស្ទានរបស់អាល្លឺម៉ង់ (CDU) ក្នុងរដ្ឋ Bavarian របស់អធិការបតីអ្នកស្រី Angela Merkel។
មូលនិធិនេះ បាននិយាយថា ខ្លួនបានសហការជាមួយអាជ្ញាធរចាប់តាំងពីខែមិថុនា ឆ្នាំមុនមកម្ល៉េះ។
អ្នកនាំពាក្យសម្រាប់ក្រុមអ្នក-វិទ្យាសាស្ត្រនយោបាយបានឱ្យដឹងថា៖ «វាអាចទៅរួចទាក់ទិនសកម្មភាពស៊ើបការណ៍សម្ងាត់របស់លោក Klaus L. ហើយនេះ គឺជាសកម្មភាពមិនអាចទទួលយកបានជាដាច់ខាត»៕