កាលពីថ្ងៃពុធ ទី ៧ កក្កដា នាយករដ្ឋមន្រ្តីឥណ្ឌា លោក Narendra Modi បានទម្លាក់រដ្ឋមន្រ្តីជាន់ខ្ពស់ចំនួន ១២ រូប និងបានដឹកនាំក្រុមយុវជនមួយក្រុមក្នុងគោលបំណងកែលម្អមុខមាត់រដ្ឋាភិបាលរបស់លោក បន្ទាប់ពីមានការរិះគន់យ៉ាងខ្លាំងចំពោះការគ្រប់គ្រងស្ថានភាពកូវីដ ១៩។
រដ្ឋមន្រ្តីខុទ្ទកាល័យចំនួន ១៥ រូប និងរដ្ឋមន្រ្តីចំនួន ២៨ រូប ត្រូវបានស្បថចូលកាន់តំណែងនៅក្នុងពិធីមួយនៅវិមានប្រធានាធិបតី កាលពីថ្ងៃទី ៧ ខែកក្កដា។ រដ្ឋមន្ត្រីថ្នាក់ខ្ពស់ចំនួន ៨ រូប ត្រូវបានដំឡើងឋានៈជាគណៈរដ្ឋមន្រ្តី។
ការផ្លាស់ប្តូរនេះ គឺជាការរុះរើគណៈរដ្ឋមន្រ្តីលើកដំបូង ចាប់តាំងពីលោក Modi ត្រូវបានឡើងកាន់តំណែងនៅអាណត្តិទី២ ក្នុងឆ្នាំ ២០១៩។
តាមការស្រង់សម្តីរបស់សារព័ត៌មាន CAN វិញ អ្នកវិភាគនយោបាយលោក Nilanjan Mukhopadhyayបាននិយាយថា នៅពេលទេសរដ្ឋមន្រ្តីត្រូវបានដកចេញ រដ្ឋាភិបាលបានទទួលស្គាល់ថា ខ្លួនបានបរាជ័យក្នុងការដោះស្រាយបញ្ហាជំងឺកូវីដ ១៩។
រដ្ឋមន្រ្តីក្រសួងសុខាភិបាល លោក Harsh Vardhan រដ្ឋមន្រ្តីក្រសួងអប់រំ លោក Ramesh Pokhriyal Nishank រដ្ឋមន្រ្តីច្បាប់ និងអេឡិចត្រូនិក និងបច្ចេកវិទ្យាព័ត៌មានលោក Ravi Shankar Prasad និងរដ្ឋមន្រ្តីក្រសួងបរិស្ថានលោក Prakash Javadekar ស្ថិតក្នុងចំណោមអ្នកដែលបានលាឈប់ប៉ុន្មានម៉ោងមុនមានការដកតំណែង៕