.jpg)
ទាហាននិងប៉ូលិសឃាត់ខ្លួនជនសង្ស័យលួចទ្រព្យសម្បត្តិក្នុងផ្សារ Jabulani ក្នុងទីក្រុង Soweto កាលពីថ្ងៃទី១៣ កក្កដា។ AFP
ប្រធានាធិបតីអាហ្រ្វិកខាងត្បូងលោក Cyril Ramaphosa បានអំពាវនាវឱ្យប្រជាជនក្រោកឈរប្រឆាំងនឹងអំពើហិង្សា ដើម្បីឆ្លើយតបទៅនឹងការជាប់ពន្ធនាគាររបស់អតីតប្រធានាធិបតី លោក Jacob Zuma។
បន្ទាប់ពីលោក Zuma បានប្រគល់ខ្លួនឱ្យ ប៉ូលិសកាលពីសប្តាហ៍មុនរួចមកមានប្រជាពលរដ្ឋយ៉ាងហោចណាស់ ៦ នាក់ បានស្លាប់ និងមនុស្សជិត ៥០០ នាក់ទៀត ត្រូវបានចាប់ខ្លួន។ ហាងនានាត្រូវបានគេចូលលួចទ្រព្យសម្បត្តិ ហើយអគារមួយចំនួនត្រូវបានដុតបំផ្លាញ។
កងទ័ពត្រូវបានគេដាក់ពង្រាយនៅក្នុងខេត្ត Gauteng និងនៅក្នុងខេត្ត KwaZulu-Natal ដែលជាស្រុកកំណើតរបស់លោក Zuma។ លោក Zuma ត្រូវបានផ្តន្ទាទោសពីការមើលងាយតុលាការបន្ទាប់ពីលោកបានខកខានមិនចូលរួមក្នុងការស៊ើបអង្កេតអំពីករណីអំពើពុករលួយក្នុងពេលលោកកាន់តំណែងជាប្រធានាធិបតី។
លោក Zuma បានបដិសេធពីករណីអំពើពុករលួយនេះ ហើយត្រូវបានកាត់ទោសឱ្យជាប់ពន្ធនាគាររយៈពេល ១៥ ខែ។ លោកសង្ឃឹមថា នឹងទទួលបានការកាត់ទោស ឬបន្ថយទោសដោយតុលាការរដ្ឋធម្មនុញ្ញរបស់ប្រទេសអាហ្រ្វិកខាងត្បូង។ ទោះយ៉ាងណាក៏ដោយអ្នកជំនាញផ្នែកច្បាប់និយាយថា ឱកាសជោគជ័យរបស់លោកគឺនៅទាបនៅឡើយ៕
