លោកស្រី អ៊ុងសាន ស៊ូជី ប្រឈមមុខនឹងការចោទប្រកាន់ពីបទព្រហ្មទណ្ឌចំនួន ៤ បន្ថែមទៀត ដែលត្រូវបានដាក់បញ្ចូនទៅតុលាការក្នុងទីក្រុងម៉ាន់ដាឡាយ (Mandalay) ប្រទេសមីយ៉ាន់ម៉ា។
ក្រុមមេធាវីរបស់លោកស្រី អ៊ុងសាន ស៊ូជី មានព័ត៌មានតិចតួចអំពីការចោទប្រកាន់ចុងក្រោយលើកលែងតែថា ការចោទប្រកាន់ទាំងនោះពាក់ព័ន្ធនឹងអំពើពុករលួយ។
គួរបញ្ជាក់ផងដែរថា លោកស្រីត្រូវបានក្រុមយោធាដណ្តើមអំណាចដោយការធ្វើរដ្ឋប្រហារថ្ងៃទី ១ ខែកុម្ភៈ និងត្រូវបានកាត់ទោសពីបទចោទប្រកាន់ដែលរួមមានការនាំចូលខុសច្បាប់ និងការកាន់កាប់វិទ្យុទាក់ទង (Walkie-Talkie) និងការរំលោភបំពានលើគោលការណ៍ការពារកូវីដ ១៩ ដែលស្ថិតនៅក្រោមច្បាប់គ្រប់គ្រងគ្រោះមហន្តរាយ។
លោកស្រីក៏ត្រូវបានគេចោទប្រកាន់នៅក្នុងតុលាការក្រុងយ៉ាំងហ្គោន (Yangon ) ផងដែរ ដោយត្រូវបានចោទប្រកាន់ពីបទទម្លាយព័ត៌មានសម្ងាត់មួយដែលត្រូវផ្តន្ទាទោសឱ្យជាប់ពន្ធនាគាររយៈពេលអតិបរមា ១៤ ឆ្នាំ។ ប៉ុន្តែក្រុមមេធាវីរបស់លោកស្រីបដិសេធរាល់ការចោទប្រកាន់ទាំងនោះ៕