.jpg)
តារាចម្រៀងអាមេរិក Britney Spears មានសិទ្ធិជ្រើសរើសមេធាវីផ្ទាល់ខ្លួនក្នុងការតវ៉ាការបញ្ចប់ការឃ្លាំមើលនាង។
សេចក្តីសម្រេចនេះបានធ្វើឡើងកាលពីថ្ងៃទី ១៤ កក្កដា ខណៈដែលឪពុករបស់តារាចម្រៀងរូបនេះគឺលោក Spears បានចូលបំភ្លឺនៅតុលាការជាលើកទី២ ក្នុងរយៈពេលមិនដល់ ១ ខែផង។ Britney Spears បានទាមទារឪពុករបស់នាងឈ្មោះ Jamie Spears ត្រូវដកចេញពីកិច្ចព្រមព្រៀងស្របច្បាប់ដែលគ្រប់គ្រងកិច្ចការរបស់នាង។
គួរបញ្ជាក់ផងដែរថា Britney Spears ស្ថិតនៅក្រោមការឃ្លាំមើលរបស់ឪពុករបស់នាងតាំងពីឆ្នាំ ២០០៨ នៅពេលដែលមានការព្រួយបារម្ភអំពីសុខភាពផ្លូវចិត្តរបស់នាងបានជំរុញឱ្យឪពុករបស់នាងដាក់ពាក្យបណ្តឹងទៅតុលាការ ដើម្បីទទួលបានសិទ្ធិឃ្លាំមើលកូនស្រីរបស់លោក។
កាលពីខែមុនចៅក្រមបានបដិសេធការស្នើសុំរបស់តារាចម្រៀងរូបនេះម្តងហើយពីការដកសិទ្ធិឪពុករបស់នាងចេញពីតួនាទីរបស់គាត់ក្នុងការមើលការខុសត្រូវ និងមើលថែនាង។ ចៅក្រមដែលលោកស្រី Brenda Penny បាននិយាយថាលោកស្រីមិនអាចធ្វើសេចក្តីសម្រេចបានទេរហូតដល់តារាចម្រៀងរូបនេះដាក់ពាក្យបណ្តឹងជាផ្លូវការ៕
