.jpg)
ចក្រភពអង់គ្លេសកំពុងគាំទ្រការស្រាវជ្រាវថ្មីចំនួន ១៥ ស្តីពីការព្យាបាលនិងធ្វើរោគវិនិច្ឆ័យនៃ«កូវីដរយៈពេលយូរ» ជាករណីមួយ ដែលមានរោគសញ្ញារាប់សិបនិងមានរយៈពេលរាប់ខែ បន្ទាប់ពីការឆ្លងកូវីដជាលើកដំបូងហើយ។
គម្រោងនេះនឹងចំណាយថវិកាជិត ២៧,៥៤ លានដុល្លារនៃមូលនិធិរដ្ឋាភិបាល នឹងផ្តោតលើការយល់ដឹងកាន់តែច្បាស់អំពីស្ថានភាពនេះ និងកំណត់ការព្យាបាលប្រកបដោយប្រសិទ្ធភាព និងវិធីល្អបំផុត ដើម្បីថែទាំអ្នកជំងឺ។
អ្នកជំនាញបាននិយាយថាអ្នកដែលមាន «កូវីដរយៈពេលវែង» អាចមានរោគសញ្ញាពីអស់កម្លាំង និងអាប់? ខួរក្បាល រហូតដល់ខូចដង្ហើម និងខូចសរីរាង្គ។?
លោក Nick Lemoine ប្រធានគណៈកម្មាធិការមូលនិធិកូវីដរយៈពេលវែងរបស់វិទ្យាស្ថានជាតិសម្រាប់ការស្រាវជ្រាវសុខភាព បានមានប្រសាសន៍ថា៖ «កញ្ចប់នៃការស្រាវជ្រាវនេះ នឹងផ្តល់នូវក្តីសង្ឃឹមដល់ប្រជាជនដែលមានបញ្ហាសុខភាពរយៈពេលវែងបន្ទាប់ពីឆ្លងកូវីដ ១៩ ហើយ»។
ការសិក្សាមួយនៅឯមហាវិទ្យាល័យសាកលវិទ្យាល័យឡុងដ៍នឹងជ្រើសរើសមនុស្សជាង ៤ ៥០០ នាក់ ដែលជំងឺកូវីដរយៈពេលវែងដើម្បីសាកល្បងប្រសិទ្ធភាពនៃថ្នាំដែលមានស្រាប់ដូចជាការព្យាបាលក្នុងរយៈពេល ៣ ខែ ដើម្បីមើលពីផលប៉ះពាល់រោគសញ្ញារោគសញ្ញាសុខភាពផ្លូវចិត្តនិងសមត្ថភាពក្នុងការត្រឡប់មកធ្វើការវិញ។ ដំណើរការនេះ ក៏រួមបញ្ចូលទាំងការស្កេន MRI អាចត្រូវបានប្រើដើម្បីធ្វើរោគវិនិច្ឆ័យការខូចខាតសរីរាង្គទៀតផង។
ការសិក្សាមួយទៀតនៅសាកលវិទ្យាល័យ Cardiff នឹងពិនិត្យមើលថាតើស្ថានភាពនេះបណ្តាលមកពីការឆ្លើយតបនៃប្រព័ន្ធភាពស៊ាំខ្លាំងពេកឬខ្សោយពេក ខណៈការស្រាវជ្រាវនៅសាកលវិទ្យាល័យLeeds, Oxford និង Glasgow នឹងពិនិត្យមើលរបបថែទាំល្អបំផុតមូលហេតុនៃការដកដង្ហើមនិងផលប៉ះពាល់ចំពោះមនុស្សធាត់ផងដែរ៕
