.jpg)
អ្នកធ្វើការងារសង្គ្រោះបន្ទាន់ដើរឆ្លងកាត់ផ្លូវពោរពេញដោយភក់ខណៈបំណែកថ្ម និងដើឈើរលើងឫសត្រូវបានគេឃើញនៅចន្លោះស្ពាននិងទន្លេ Ahr ក្នុងទីក្រុង Altenahr នៃប្រទេសអាល្លឺម៉ង់ ភាគខាងលិច។ AFP
អធិការបតីអាល្លឺម៉ង់រៀបរាប់ពីស្ថានការណ៍ជនលិចនៅប្រទេសអាល្លឺម៉ង់ថា ជាការបំផ្លាញហួសហេតុដែលបង្កឡើងដោយទឹកជំនន់។
កាលពីថ្ងៃអាទិត្យ អធិការបតីអាល្លឺម៉ង់លោកស្រី Angela Merkel បានទៅតំបន់ដែលរងផលប៉ះពាល់ដោយទឹកជំនន់នៅភាគខាងលិចប្រទេសអាល្លឺម៉ង់ ដោយជជែកជាមួយអ្នករស់រានពីឧប្បត្តិហេតុទឹកជំនន់និងបុគ្គលិកសង្គ្រោះបន្ទាន់មួយចំនួន។
តាមការស្រង់សម្តីរបស់សារព័ត៌មាន BBC លោកស្រី Merkel បាននិយាយថា៖«យើងនៅក្បែរអ្នក ខ្ញុំពិតជាអាចនិយាយបានថាភាសាអាល្លឺម៉ង់មិនមានពាក្យណាដែកអាចពណ៌នាពីការបំផ្លិចបំផ្លាញនេះបានឡើយ»។
មេដឹកនាំអឺរ៉ុបបានស្តីបន្ទោសការប្រែប្រួល អាកាសធាតុដែលបណ្តាលឱ្យ មានទឹកជំនន់ដែលបានជះឥទ្ធិពលដល់ប្រទេសស្វ៊ីស លុចសំបួនិងហូឡង់ផងដែរ។
គួរបញ្ចាក់ផងដែរថា កាលពីសប្តាហ៍មុនភាគខាងលិចនៃតំបន់អឺរ៉ុបមានភ្លៀងធ្លាក់ខ្លាំងដែលបណ្តាលឱ្យ មានជាទឹកជំនន់។ មនុស្សយ៉ាងតិច ១៨៨ នាក់ នៅប្រទេសអាល្លឺម៉ង់ និងបែលហ្ស៊ិកបានស្លាប់ដោយសារទឹកជំនន់នេះ៕
