.jpg)
មន្ត្រីសុខាភិបាលកំពូលអាមេរិកនិយាយថា ការព្រួយបារម្ភអំពីករណីវិជ្ជមានកូវីដ ១៩ កំពុងកើនឡើងនៅរដ្ឋនីមួយៗក្នុងសហរដ្ឋអាមេរិក ខណៈមនុស្សរាប់លាននាក់នៅតែមិនទាន់ទទួលបានការចាក់វ៉ាក់សាំងការពារកូវីដ ១៩។
កាលពីថ្ងៃអាទិត្យ នៅក្នុងបទសម្ភាសមួយនៅលើកម្មវិធីព័ត៌មានទូរទស្សន៍ CNN លោកវេជ្ជបណ្ឌិត Vivek Murthy បាននិយាយថា ការស្លាប់ដោយសារកូវីដ៩នៅសហរដ្ឋអាមេរិកស្ទើរតែទាំងអស់ស្ថិតក្នុងចំណោមមនុស្សដែលមិនទាន់បានចាក់វ៉ាក់សាំង។
លោក Murthy បាននិយាយថា៖ «ខ្ញុំមានការព្រួយបារម្ភពីព្រោះយើងកំពុងមើលឃើញករណីកើនឡើងគឺក្នុងចំណោមអ្នកដែលមិនទាន់ទទួលបានការចាក់វ៉ាក់សំាងការពារ»។
គួរបញ្ជាក់ផងដែរថា ករណីវិជ្ចមានកូវីដ ១៩ នៅសហរដ្ឋអាមេរិចបានកើនឡើង ៧០ ភាគរយក្នុងសប្តាហ៍នេះ បើប្រៀបធៀបទៅនឹងរយៈពេល ៧ ថ្ងៃមុន។
ប្រធានអង្គការសុខភាពអាមេរិកាំងប៉ាស៊ីហ្វិក (Pan American Health Organization) កាលពីសប្តាហ៍មុនបានជំរុញឱ្យបណ្តាប្រទេសនានាបន្តប្រកាន់ខ្ជាប់នូវវិធានការសុខភាពសាធារណៈអំឡុងពេលមានការ កើនឡើងនៃករណីវិជ្ជមាននៅក្នុងប្រទេសមួយចំនួននៅទូទាំងទ្វីបអាមេរិករួមទាំងសហរដ្ឋអាមេរិកផងដែរ៕
