ការកើនឡើងករណីវិជ្ជមានកូវីដ ១៩ នៅទូទាំងសហរដ្ឋអាមេរិកនិងនៅបរទេសបានធ្វើឱ្យមានការភ័យខ្លាចនៃការលេចចេញការរីករាលដាលក្នុងសហគមន៍ ដែលបង្កលក្ខណៈក្នុងការគ្រប់គ្រង។
ការផ្ទុះឡើងថ្មីៗគឺនៅក្នុងផ្នែកខ្លះដែលមានប្រជាជនតិចភាគរយ ទទួលបានការចាក់វ៉ាក់សាំងការពារកូវីដ-១៩ ។មកទល់ពេលនេះ ចំនួនប្រជាជនតិចតួចដែលទទួលបានការចាក់វ៉ាក់សាំងបានជំរុញឱ្យ មេដឹកនាំបង្កើនសម្ពាធទៅលើប្រជាជនអាមេរិកឱ្យទទួលការចាក់វ៉ាក់សាំង។
គួរបញ្ចាក់ផងដែរថា ចំនួនមធ្យមនៃករណីឆ្លងកូវីដ១៩ ប្រចាំថ្ងៃនៅសហរដ្ឋអាមេរិកបានកើនឡើង៣ដងក្នុងរយៈពេល ៣០ថ្ងៃកន្លងមកនេះ។
តាមការស្រង់សម្តីរបស់សារព័ត៌មានរ៉យទ័រប្រធានាធិបតីអាមេរិក លោក ចូ បៃដិន បាននិយាយថា អត្រាខ្ពស់នៃការឆ្លងកូវីដ១៩កើតមាននៅក្នុងរដ្ឋដែលមានអត្រាចំនួនអ្នកចាក់វ៉ាក់សាំងទាប។ លោក Bidenបានទទូចថា៖ «សូមមេត្តាទទួលការចាក់វ៉ាក់សាំងការពារកូវីដ១៩។ សូមទទួលការចាក់វ៉ាក់សាំងឥឡូវនេះ»។
កាលថ្ងៃទីចន្ទនាយករដ្ឋមន្រ្តីកាណាដា លោក Justin Trudeauបាននិយាយថា ជនជាតិអាមេរិក ដែលបានចាក់វ៉ាក់សាំងគ្រប់ដូសហើយ អាចឆ្លងព្រំដែនអាមេរិក-កាណាដាចាប់ពីថ្ងៃទី ៩ ខែសីហាដោយ មានការបន្ធូរបន្ថយការរឹតត្បិតក្នុងការធ្វើដំណើរ៕