កងកម្លាំងសន្តិសុខតួកគី បានឃុំខ្លួនជនចំណាកស្រុកនៅក្បែរព្រំដែនប្រទេសអ៊ីរ៉ង់ជិត ១ ៥០០ នាក់ ដែលភាគច្រើនជាជនជាតិអាហ្វហ្គានីស្ថាន។
តាមការស្រង់សម្តីរបស់សារព័ត៌មានរ៉យទ័រមន្រ្តីអភិបាលខេត្តនិង ក្រសួងមហាផ្ទៃ បាននិយាយថា ជន ចំណាកស្រុកចំនួន ១ ៤៥៦ នាក់ ត្រូវបានឃុំខ្លួនចាប់តាំងពីថ្ងៃទី ១០ ខែកក្កដានេះ នៅភាគខាងកើត នៃខេត្ត Van ក៏ដូចជាអ្នកជួញដូរមនុស្សចំនួន ១១ នាក់ ដែលបាននាំពួកគេចូលក្នុងប្រទេសតួកគី។
ការព្រួយបារម្ភពីលំហូរនៃជនចំណាកស្រុកទៅកាន់ប្រទេសតួកគី ពីប្រទេសអាហ្វហ្គានីស្ថាន តាមរយៈ ប្រទេសអ៊ីរ៉ង់ បានកើនឡើងក្នុងប៉ុន្មានសប្តាហ៍ថ្មីៗនេះនៅពេលដែលអំពើហិង្សារវាងរដ្ឋាភិបាលអាហ្វហ្គានីស្ថាន និងតាលីបង់ បានកើតឡើងនៅពេលដែលកងកម្លាំងអាមេរិក និងណាតូដកកងទ័ពខ្លួន ចេញពីតំបន់នោះ៕