.jpg)
កាលពីថ្ងៃអង្គារ អធិការបតីអាល្លឺម៉ង់បានការពារប្រព័ន្ធប្រកាសអាសន្នរបស់អាល្លឺម៉ង់ដែលជាការប្រឆាំងនឹងការរិះគន់ពីសំណាក់ប្រជាជន បន្ទាប់ពីមានទឹកជំនន់កាលពីសប្តាហ៍មុន។
ថ្លែងនៅក្នុងដំណើរទស្សនកិច្ចទៅកាន់តំបន់ដែលរងគ្រោះដោយទឹកជំនន់នៅភាគខាងជើងនៃខេត្ត Rhine-Westphalia លោកស្រី អេនជេឡា មឺរកែល បាននិយាយថា ប្រទេសអាល្លឺម៉ង់ មានប្រព័ន្ធប្រកាសអាសន្នដែលសមស្របមួយ ប៉ុន្តែបានសន្យាពិនិត្យឡើងវិញនូវអ្វីដែលដំណើរការ និងមិនដំណើរការ។
លោកស្រីបាននិយាយថា រដ្ឋាភិបាលនឹងពិភាក្សាគ្នាដោយប្រើប្រព័ន្ធប្រកាសអាសន្នទឹកជំនន់តាមទូរស័ព្ទចល័តនាពេលអនាគត បន្ទាប់ពីមានការរិះគន់ថា ប្រជាជននៅតំបន់ដែលរងផលប៉ះពាល់មិនបានទទួលការប្រកាសអំពីគ្រោះថ្នាក់ដែលអាចកើតមានឡើងឡើយ។
គួរបញ្ជាក់ផងដែរថា នៅភាគខាងលិចនៃប្រទេសអាល្លឺម៉ង់ កាលពីសប្តាហ៍មុនមានភ្លៀងធ្លាក់យ៉ាងខ្លាំងដែលបង្កទៅជាទឹកជំនន់បណ្តាលឱ្យមនុស្សយ៉ាងតិច ១០០ នាក់បាត់បង់ជីវិត៕
