ទឹកជំនន់ដ៏កាចសាហាវនៅខេត្តហឺណាន ភាគកណ្ដាលប្រទេសចិន កាលពីថ្ងៃពុធ បានវាយប្រហារអ្នករស់នៅទីនោះ ដោយយ៉ាងហោចណាស់មានមនុស្សរាប់សិបនាក់បានបាត់បង់ជីវិត នៅក្រុង ចឹងជូ បន្ទាប់ពីទីក្រុងនេះបានជួបគ្រោះរាំងស្ងួត ហើយគ្រោះនាពេលបច្ចុប្បន្នជាអ្វីដែលក្រុមអ្នកតាមដានអាកាសធាតុនិយាយថា ជាភ្លៀងធ្លាក់ខ្លាំងបំផុតក្នុងរយៈពេល ១ ០០០ ឆ្នាំកន្លងមកនេះ។
យោងតាមរដ្ឋាភិបាលក្រុង ចឹងជូ ដែលជាទីក្រុងមួយមានប្រជាជនជាង ១២ លាននាក់ និងស្ថិតនៅតាមមាត់ទន្លេលឿងបាននិយាយថា មនុស្សជាង ១២ នាក់ បានស្លាប់នៅក្នុងខ្សែរថភ្លើងក្រោមដីដែលជន់លិច ខណៈដែលមនុស្សជាង ៥០០ នាក់ ត្រូវបានគេជម្លៀសទៅទីទួលមានសុវត្ថិភាព។
ខ្សែវីដេអូនៅលើប្រព័ន្ធផ្សព្វផ្សាយបណ្ដាញសង្គម កាលពីថ្ងៃអង្គារ បានបង្ហាញពីការធ្វើដំណើររបស់អ្នកដំណើរនៅក្នុងស្ថានីយរថភ្លើងក្រោមដី ដែលទទួលរងគ្រោះដោយសារទឹកជំនន់ ដោយនៅលើរថភ្លើងក្លាយជាទីងងឹត និងស្ថានភាពក្រោមដីបានប្រែក្លាយជាអាងហែលទឹកដ៏ធំ ១៕
មឹង ច័ន្ទសុម៉ានីតា