.jpg)
បុគ្គលិកសន្តិសុខអាហ្វហ្គានីស្ថាន ឈរយាមពៅព្រលានយន្តហោះអន្តរជាតិ Hamid Karzai ក្នុងទីក្រុងកាប៊ុល។ AFP
ប្រធានាធិបតីតួកគី បានអំពាវនាវឱ្យសហរដ្ឋអាមេរិកគាំទ្រផ្នែកហិរញ្ញវត្ថុភ័ស្តុភារនិងទំនាក់ទំនងការទូត ដើម្បីឱ្យតួកគីអាចដំណើរការនិងការពារអាកាសយានដ្ឋានកាប៊ុល បន្ទាប់ពីកងទ័ពបរទេសផ្សេងទៀត បានចាកចេញពីប្រទេសអាហ្វហ្គានីស្ថាន។
តាមការស្រង់សម្តីរបស់សារព័ត៌មាន Aljazeera កាលពីថ្ងៃទីអង្គារ ថ្លែងនៅក្នុងសុន្ទរកថាតាមទូរទស្សន៍មួយពីស៊ីបខាងជើងលោកប្រធានាធិបតីតួកគី បាននិយាយថា តួកគី នឹងបំពេញបេសកកម្មនេះដរាបណាអាមេរិក ដែលជាដៃគូរបស់ណាតូ បំពេញតាមតម្រូវការទាំង៣។
លក្ខខណ្ឌទាំងនេះរួមមានការគាំទ្ររបស់សហរដ្ឋអាមេរិកក្នុងទំនាក់ទំនងការទូតគ្រឿងបរិក្ខារខាងដឹកនាំយុទ្ធសាស្ត្រ និងការគាំទ្រផ្នែកហិរញ្ញវត្ថុ និងរដ្ឋបាល។
ប្រធានាធិបតីតួកគី លោក រ៉េសិបតៃយីប អេរដូហ្គែន បាននិយាយថា ប្រសិនបើលក្ខខណ្ឌទាំងនេះ អាចត្រូវបានឆ្លើយតបពីសហរដ្ឋអាមេរិកតួកគីពិចារណាដំណើរការការពារអាកាសយានដ្ឋានកាប៊ុល៕
