ឧត្តមសេនីយ៍យោធាកំពូលរបស់សហរដ្ឋអាមេរិកបាននិយាយថា ក្រុមយុទ្ធជនតាលីបង់បានបង្កើនកម្លាំងចលករយុទ្ធសាស្ត្រ នៅក្នុងប្រទេសអាហ្វហ្គានីស្ថាន ហើយឥឡូវនេះ បានគ្រប់គ្រងតំបន់ជនបទចំនួនពាក់កណ្តាលទៀត ដោយមានគោលបំណងចង់កាត់ផ្តាច់ចំនួនប្រជាជនពីរដ្ឋាភិបាល ដែលគាំទ្រដោយលោកខាងលិចនៅក្នុងទីក្រុងកាប៊ុល។
អគ្គសេនាធិការចម្រុះលោកឧត្តមសេនីយ៍ Mark Milley បានប្រាប់ក្រុមអ្នកយកព័ត៌មាននៅមន្ទីរបញ្ចកោណកាលពីថ្ងៃពុធថា៖ «នេះនឹងក្លាយជាការសាកល្បងមួយ ឥឡូវនេះនូវឆន្ទៈ និងការដឹកនាំ កងកម្លាំងសន្តិសុខ និងរដ្ឋាភិបាលអាហ្វហ្គានីស្ថានផងដែរ»។
ប្រភពដដែលបាននិយាយថា៖ «ពួកតាលីបង់ បានទទួលការគ្រប់គ្រងប្រហែលពាក់កណ្តាលនៃស្រុកចំនួន ៤១៩ នៅក្នុងប្រទេសអាហ្វហ្គានីស្ថាន និងកំពុងដាក់សម្ពាធនៅជាយក្រុងនៃខេត្តចំនួន ១៧ ក្នុងចំណោម ៣៤ ខេត្ត ប៉ុន្តែមិនទាន់បានកាន់កាប់តំបន់ណាមួយនៅឡើយទេ។ អ្វីដែលពួកគេកំពុងព្យាយាមធ្វើ គឺបំបែកមណ្ឌលប្រជាជនសំខាន់ៗ ដូចដែលគេធ្វើនៅកាប៊ុលដែរ»។
ជាការឆ្លើយតប កម្លាំងរដ្ឋាភិបាលអាហ្វហ្គានីស្ថាន កំពុងពង្រឹងជំហររបស់ពួកគេ ដើម្បីការពារមជ្ឈមណ្ឌលប្រជាជន ហើយការប្រយុទ្ធគ្នា ត្រូវបានគេរំពឹងថា នឹងកើនឡើងនៅប៉ុន្មានសប្តាហ៍ខាងមុខនេះ បន្ទាប់ពីឈប់សម្រាកពិធីបុណ្យ Eid al-Adha៕