កាលពីថ្ងៃអង្គារ ឥណ្ឌាបាន រកឃើញករណីស្លាប់ដោយសារជំងឺផ្តាសាយបក្សីដំបូងដែលកើតមានឡើងទៅលើកុមារាអាយុ ១១ ឆ្នាំ។
តាមការរាយការណ៍របស់សារព័ត៌មាន CNA សេចក្តីថ្លែងការណ៍របស់រដ្ឋាភិបាលឥណ្ឌាបាននិយាយថាក្មេងប្រុសម្នាក់នោះ ត្រូវបានចូលសម្រាកព្យាបាលនៅវិទ្យាស្ថានវេជ្ជសាស្ត្រឥណ្ឌានៅទីក្រុង New Delhi នៅថ្ងៃទី ២ ខែកក្កដា និងបានទទួលមរណភាពកាលពីថ្ងៃទី ២០ បន្ទាប់ពីសរីរាង្គខាងក្នុងភាគច្រើនលែងដំណើរការ។
សេចក្តីថ្លែងការណ៍បានបន្តនិយាយថា បុគ្គលិកពេទ្យដែលព្យាបាលអ្នកជំងឺ និងក្រុមគ្រួសារក្មេងប្រុសនោះត្រូវបានដាក់ឱ្យនៅដាច់ដោយឡែក៕