អង្គការសុខភាពពិភពលោក (WHO) បាននិយាយកាលពីថ្ងៃពុធ (ថ្ងៃទី ២១ ខែកក្កដា) ថា វ៉ារ្យ៉ង់ដែលតា (Delta) របស់កូវីដ ១៩ ដែលកំពុងមានការរីករាលដាលយ៉ាងខ្លាំង នាពេលនេះ ត្រូវបានគេរំពឹងថា នឹងអាចក្លាយជាវីរុសដែលនឹងវាយប្រហារសុខភាពប្រជាជនទូទាំង ពិភពលោក នៅក្នុងប៉ុន្មានខែខាងមុខនេះ។
វ៉ារ្យ៉ង់ដែលតា ដែលត្រូវបានរកឃើញដំបូងបង្អស់នៅក្នុងប្រទេសឥណ្ឌា ឥឡូវនេះត្រូវបានគេកត់ត្រាថា បានរកឃើញនៅតំបន់ចំនួន ១២៤ ដែលកើនបានចំនួន ១៣ សប្តាហ៍មុន។ អង្គការសុខភាពពិភពលោក បាននិយាយថា វាមានចំនួនច្រើនជាង ៣ ភាគ ៤ នៃគំរូជាបន្តបន្ទាប់នៅក្នុងប្រទេសធំៗជាច្រើន។
ទីភ្នាក់ងារសុខភាពរបស់អង្គការសុខភាពពិភពលោក បាននិយាយនៅក្នុងការធ្វើបច្ចុប្បន្នភាពប្រចាំសប្តាហ៍របស់ខ្លួនថា គេរំពឹងថា វ៉ារ្យ៉ង់ដែលតា នឹងបន្តចម្លងនិង សម្លាប់ប្រជាជាតិក្នុងពេលយ៉ាងឆាប់រហ័ស និងអាចក្លាយជាសែស្រឡាយមេរោគដែលនឹងរីករាលដាលខ្លាំងជាងគេនៅក្នុងប៉ុន្មានខែខាងមុខនេះ។ក្នុងចំណោមការព្រួយបារម្ភទាក់ទងនឹង វ៉ារ្យ៉ង់ចំនួន៣ផ្សេងទៀត គឺវ៉ារ្យ៉ង់ទី១ អាល់ហ្វា ដែលត្រូវបានគេរកឃើញដំបូងនៅក្នុងប្រទេសអង់គ្លេស ដែលត្រូវបានគេរាយការណ៍ថាគេរកឃើញនៅក្នុងទឹកដីចំនួន ១៨០ (កើនឡើងចំនួន ៦ ពីសប្តាហ៍មុន) ។ វ៉ារ្យ៉ង់ទី២ គឺបេតា ដែលត្រូវបានរកឃើញដំបូងនៅអាហ្វ្រិកខាងត្បូង ហើយត្រូវបានគេរាយការណ៍ថាមាននៅក្នុងដែនដីចំនួន ១៣០ (កើនឡើង៧ បើធៀបនឹងសប្តាហ៍មុន) និងវ៉ារ៉្យង់ហ្គាម៉ា ដែលត្រូវបាន រកឃើញដំបូងនៅក្នុងប្រទេសប្រេស៊ីល។
អង្គការសុខភាពពិភពលោកដែលមានមូលដ្ឋាននៅទីក្រុង ហ្សឺណែវ បាននិយាយថាជារួមករណីថ្មីចំនួន ៣,៤ លានករណី ត្រូវបានរាយការណ៍នៅក្នុងសប្តាហ៍នេះ គិតត្រឹមថ្ងៃទី ១៨ ខែកក្កដា ដែលបានកើនឡើង ១២ ភាគរយកាលពីសប្តាហ៍មុន។ អង្គការសុខភាពពិភពលោកក៏បាននិយាយដែរថា «ក្នុងអត្រានេះ គេរំពឹងថា ចំនួនករណី ដែលត្រូវបានរាយ ការណ៍ទូទាំងពិភពលោកអាចកើនលើស ២០០ លាន ក្នុងរយៈពេល ៣ សប្តាហ៍ទៀត»៕
មឹង ច័ន្ទសុម៉ានីតា