.jpg)
វ៉ាក់សាំងកូវីដ ១៩ Moderna។ AFP
កាលពីថ្ងៃចន្ទ ទី ២៦ កក្កដា ប្រទេសកូរ៉េខាងត្បូងបាននិយាយថា ខ្លួនបានទទួលដំណឹងពីក្រុមហ៊ុន Moderna អំពីបញ្ហាផលិតកម្មរបស់ក្រុមហ៊ុនខ្លួន ខណៈដែលប្រទេសនេះកំពុងពង្រីកយុទ្ធនាការចាក់វ៉ាក់សាំងទៅដល់មនុស្សដែលមានអាយុ ៥៥ ដល់ ៥៩ ឆ្នាំក្នុងគ្រាមានរលកឆ្លងទី៤។
មន្រ្តីសុខាភិបាលកូរ៉េ លោក Park Jin-young បានប្រាប់សន្និសីទសារព័ត៌មានខ្លីមួយថា ក្រុមហ៊ុន Moderna បានជូនដំណឹងថា ក្រុមហ៊ុនរបស់ខ្លួនមានបញ្ហាផលិតកម្ម។ ប្រទេសកូរ៉េ ក៏មិនទាន់ដឹងច្បាស់ថាបញ្ហាផលិតកម្មនេះជាអ្វីនោះទេ។
លោក Park បាននិយាយថា៖ «យើងកំពុងកៀរគរសមត្ថភាពរដ្ឋបាល និងការទូតដែលមានទាំងអស់ដើម្បីបង្កើតវិធានការដើម្បីទប់ទល់ការរាតត្បាតនេះ»។
លោក Jeong Eun-kyeong ប្រធានទីភ្នាក់ងារការពារជំងឺនិងការពារជំងឺកូរ៉េ (KDCA) បាននិយាយថាបញ្ហានេះ នឹងមិនប៉ះពាល់ដល់បរិមាណនៃការដឹកជញ្ជូនសរុបដែលគ្រោងនឹងធ្វើឡើងនៅក្នុងខែកក្កដានោះទេ។
ប្រទេសកូរ៉េខាងត្បូង មានកិច្ចសន្យាក្នុងការទិញវ៉ាក់សាំង Moderna ចំនួន ៤០ លានដូស ដែល ក្នុងនោះវ៉ាក់សាំងប្រមាណ ១,១ លានដូស បានមកដល់ប្រទេសកូរ៉េខាងត្បូង រួចទៅហើយ។
ការចាក់វ៉ាក់សាំងនេះ សម្រាប់មនុស្សដែលមានអាយុលើសពី ៥០ ឆ្នាំក្នុងខែនេះ បន្ទាប់ពីចំនួនករណីថ្មីខ្ពស់បំផុត៕
