.jpg)
អាជ្ញាធររុស្ស៊ី បានរារាំងការចូលមើលគេហទំព័ររបស់វិមានក្រឹមឡាំង របស់លោក Alexei Navalny ដែលត្រូវបានដាក់ពន្ធនាគារមុនពេលការស្ទង់មតិសភាមកដល់ រួមទាំងបុគ្គល និងអង្គភាពចំនួន ៤៨ ផ្សេងទៀត ដែលជាប់ទាក់ទងជាមួយលោក។
ចំណាត់ការកាលពីថ្ងៃចន្ទ កើតឡើងបន្ទាប់ពីតុលាការរុស្ស៊ីកាលពីខែមុន បានយល់ព្រមលើសំណើរបស់ព្រះរាជអាជ្ញា ដើម្បីប្រកាសអង្គការ ដែលមានទំនាក់ទំនងជាមួយលោក Navalny ថាជា «ក្រុមជ្រុលនិយម» និងដាក់ក្រុមនេះថាជាក្រុមមិនស្របច្បាប់ និងរារាំងសម្ព័ន្ធមិត្តរបស់គាត់ មិនឱ្យចូលរួមក្នុងការបោះឆ្នោតខែកញ្ញា និងសូម្បីតែការបោះឆ្នោតសភាជាន់ទាបរបស់រដ្ឋ។
និយតករអ៊ីនធឺណិតរុស្ស៊ី Roskomnadzor បាននិយាយនៅក្នុងសេចក្តីថ្លែងការណ៍មួយទៅកាន់សារព័ត៌មាន Reuter ថា ខ្លួនបានផ្លាស់ទៅបិទគេហទំព័រ navalny.com និងគេហទំព័រដទៃទៀតនៅក្នុងប្រទេសរុស្ស៊ីតាមសំណើរបស់អគ្គរដ្ឋអាជ្ញា។ ប្រភពដដែលបានឱ្យដឹងថា គេហទំព័រទាំងនេះ បានជួយជំរុញដល់ចលនានានា ដែលតុលាការហាមឃាត់ និងប្រព្រឹត្តសកម្មភាពខុសច្បាប់របស់ពួកគេ។
ក្រុម Navalny បាននិយាយនៅលើប្រព័ន្ធផ្សព្វផ្សាយសង្គម ដោយថ្កោលទោស ចំពោះចលនាទាំងនេះ ពួកគេរំពឹងថាអាជ្ញាធរ នឹងកំណត់គោលដៅវេបសាយ ដែលមានឈ្មោះថា«វេបសាយបោះឆ្នោតឆ្លាតវៃ»របស់រដ្ឋាភិបាល ដែលណែនាំដល់ប្រជាជនពីរបៀបបោះឆ្នោត ដោយប្រើយុទ្ធសាស្ត្រព្យាយាមដកបេក្ខជនចេញពីគណបក្សរួបរួមរុស្ស៊ី ដែលកំពុងកាន់អំណាច៕
