កាលពីថ្ងៃចន្ទ ប្រទេសម៉ាឡេស៊ី សម្រេចមិនបន្តច្បាប់ក្នុងគ្រាមានអាសន្ននៅពេលដែលច្បាប់នេះបញ្ចប់នៅថ្ងៃទី ១ ខែសីហា។
ប្រទេសម៉ាឡេស៊ី ស្ថិតនៅក្រោមការច្បាប់នេះ ចាប់តាំងពីខែមករាដោយនាយករដ្ឋមន្រ្តី Muhyiddin Yassin បានប្រកែកថា ច្បាប់នេះ ចាំបាច់ក្នុងការទប់ស្កាត់ការរីករាលដាលនៃកូវីដ ១៩។ ប៉ុន្តែក្រុមអ្នករិះគន់ បានរិះគន់ទង្វើនេះ ហើយបានចោទនាយករដ្ឋមន្រ្តីរូបនេះថា បានព្យាយាមកាន់អំណាចអំឡុងពេលមានសំឡេងភាគតិចគាំទ្រលោក។
លោក Muhyiddin ក៏បានការពារការសម្រេចចិត្តរបស់រដ្ឋាភិបាលលោកនៅក្នុងសុន្ទរកថាមួយទៅកាន់អង្គនីតិប្បញ្ញត្តិផងដែរ ដោយលោកនិយាយថា លោកយល់ពីការព្រួយបារម្ភរបស់សាធារណជនអំឡុងពេលមានការរីករាលដាលកូវីដ ១៩ នេះ។ លោកបានបន្តនិយាយថា រដ្ឋាភិបាលមិនអង្គុយមើលប្រជាជនរងគ្រោះនោះទេ៕