.jpg)
លោករដ្ឋមន្ត្រីការបរទេសអាមេរិក អានតូនី ប្លីនកែន និងលោកស្រីរដ្ឋមន្ត្រីការបរទេសឥណ្ឌូនេស៊ី Retno Marsudi ដើរសំដៅទៅសមាជិកប្រព័ន្ធផ្សព្វផ្សាយក្រោយជំនួបទេ្វភាគី។ AFP
សហរដ្ឋអាមេរិកបាននិយាយនៅថ្ងៃចន្ទថា របបយោធាមីយ៉ាន់ម៉ាគ្រោងនឹងរៀបចំការបោះឆ្នោតរយៈពេល ២ ឆ្នាំទៀត ខណៈដែលរដ្ឋលេខាធិការអាមេរិកលោក Antony Blinken បានត្រៀមលើកទឹកចិត្តអាស៊ានឱ្យតែងតាំងបេសកជនម្នាក់ប្រចាំនៅប្រទេសនេះ។
លោក Blinken បានចូលរួមកិច្ចពិភាក្សាស្ទើរតែ១សប្តាហ៍ជាមួយរដ្ឋមន្ត្រីការបរទេសនៃសមាគមប្រជាជាតិអាស៊ីអាគ្នេយ៍ ដែលជាវិធានការចុងក្រោយ ដោយរដ្ឋបាលរបស់ប្រធានាធិបតី Joe Biden ដើម្បីចូលរួមក្នុងតំបន់មួយទប់ទល់នឹងប្រកួតប្រជែងរបស់អាមេរិកជាមួយចិន។
មុននឹងកិច្ចពិភាក្សាអាស៊ាន ប្រមុខរបបយោធាមីយ៉ាន់ម៉ា បានសន្យាថា នឹងរៀបចំការបោះឆ្នោត និងលើកស្ថានភាពគ្រាអាសន្ននៅត្រឹមខែសីហា ឆ្នាំ ២០២៣។ សេចក្តីប្រកាសនេះ គឺជាការអំពាវនាវឱ្យអាស៊ាន ត្រូវបង្កើនកិច្ចខិតខំប្រឹងប្រែងរបស់ខ្លួន ព្រោះអាមេរិកដឹងច្បាស់ណាស់ថា របបយោធាមីយ៉ាន់ម៉ា ចង់ធ្វើឱ្យមានការជាប់គាំងមួយរយៈ ហើយចង់ពន្យារពេលវេលាឱ្យបានយូរ ដើម្បីផលប្រយោជន៍ផ្ទាល់ខ្លួន៕
