.jpg)
ប្រធានអង្គការ WHO លោក Tedros Adhanom Ghebreyesus (កណ្តាល) ថតរូបជាមួយបុគ្គលិកសុខាភិបាលកូវ៉ែត ។ AFP
អង្គការសុខភាពពិភពលោក (WHO) កំពុងស្វែងរកមូលនិធិចំនួន១១,៥ពាន់លានដុល្លារជាបន្ទាន់ ដើម្បីប្រយុទ្ធប្រឆាំងនឹងការរីករាលដាលនៃវីរុសកូវីដ ១៩។ នេះបើយោងតាម សេចក្តីព្រាងរបាយការណ៍មួយ ដែលសារព័ត៌មានរ៉យទ័រទទួលបានរំពឹងថា នឹងចេញនៅសប្តាហ៍នេះ ។
សាច់ប្រាក់មួយភាគធំ ដែលត្រូវបានស្នើសុំពីដៃគូរបស់អង្គការសុខភាពពិភពលោក គឺត្រូវការដើម្បីទិញតេស្ត អុកស៊ីហ្ស៊ែន និងម៉ាស់នៅក្នុងប្រទេសក្រីក្រ ។ ១ភាគ៤ នៃចំនួនសាច់ប្រាក់សរុបនេះ នឹងត្រូវទិញវ៉ាក់សាំងរាប់រយលានដូស សម្រាប់ទៅកន្លែងផ្សេងៗ។ ឯកសារនេះ អាចនឹងមានការផ្លាស់ប្ដូរបន្តិចបន្តួចនៅពេលក្រោយ។
ជាលទ្ធផល សេចក្ដីសម្រេចក្នុងឯកសារបាន សម្រេចកាត់បន្ថយកញ្ចប់ទឹកប្រាក់ជិត ៥ពាន់លានដុល្លារនៃការស្នើសុំថវិការបស់ខ្លួន។ ប៉ុន្តែ អង្គភាពដដែលនេះ នៅតែត្រូវការថវិកាប្រមាណ ១៦,៨ ពាន់លានដុល្លារ ស្ទើរតែដូចអ្វី ដែលបានលើកឡើង ហើយមកទល់ពេលនេះ អង្គភាពនេះ កំពុងត្រូវការទឹកប្រាក់ ៧,៧ ពាន់លានដុល្លារជាបន្ទាន់។
ឯកសារនេះបានលើកឡើងថា៖ «ទឹកប្រាក់ទាំងនេះ គឺត្រូវការជាចាំបាច់សម្រាប់ទិញវ៉ាក់សាំង នៅប៉ុន្មានខែខាងមុខនេះ បើមិនដូច្នោះទេកម្រិតការចែកចាយវ៉ាក់សាំងនឹងគ្រប់គ្រាន់ឡើយ។
លោក TedrosAdhanom Ghebreyesus អគ្គនាយកអង្គការសុខភាពពិភពលោក កាលពីសប្តាហ៍មុន បាននិយាយថា ទឹកប្រាក់ប្រមាណ ៧,៧ ពាន់លានដុល្លារ ក៏កំពុងត្រូវការជាបន្ទាន់ ប៉ុន្តែមិនបានផ្តល់ក្ដីលម្អិតថាតើនឹងត្រូវការសម្រាប់យកទិញវ៉ាក់សាំងប៉ុន្មានដូសឡើយ៕
