ប្រធានអង្គការសុខភាពពិភពលោក (WHO) កំពុងអំពាវនាវឱ្យបញ្ឈប់ការចាក់វ៉ាក់សាំងដូសទី៣ យ៉ាងហោចណាស់ឱ្យដល់ខែកញ្ញានេះ ដើម្បីរក្សាគម្លាតរវាងការចាក់វ៉ាក់សាំងនៅក្នុងប្រទេសអ្នកមាន និងអ្នកក្រកុំឱ្យមានវិសមភាពខ្លាំងពេក។ នេះបើតាមការអំពាវនាវរបស់លោក Tedros Adhanom Ghebreyesus ប្រធានអង្គការដដែលនេះកាលពីថ្ងៃពុធ។
ប្រទេស ដែលមានប្រាក់ចំណូលខ្ពស់ បានចែកចាយវ៉ាក់សាំងដល់ប្រទេសខ្លួនជាមធ្យមជាង ៥០ ដូស ក្នុងខែឧសភា ហើយចំនួននេះ បានកើនឡើងទ្វេដងនេះនាពេលថ្មីៗនេះ។ បើយោងតាមអង្គការសុខភាពពិភពលោក។ ប្រទេសដែលមានប្រាក់ចំណូលទាប អាចចែកចាយវ៉ាក់សាំងត្រឹមតែ ១,៥ ភាគរយប៉ុណ្ណោះដោយសារតែខ្វះការផ្គត់ផ្គង់។
ដើម្បីប្រឆាំងនឹងការរីករាលដាលនៃវ៉ារ្យ៉ង់ដែលតា ប្រទេសមួយចំនួនបានចាប់ផ្តើមប្រើប្រាស់ ឬចាប់ផ្តើមយុទ្ធសាស្ត្រវ៉ាក់សាំងដូសទី៣ ដើម្បីបង្កើនប្រសិទ្ធភាពក្នុងការប្រយុទ្ធប្រឆាំងជាមួយវ៉ារ៉្យង់ដដែលនេះ។ ប៉ុន្តែ យុទ្ធសាស្ត្រនេះ អ្នកវិទ្យាសាស្ត្រតែងជជែកវែកញែកជានិច្ច ថាតើត្រូវការបាញ់ថ្នាំបន្ថែម ឬយ៉ាងណា។
កាលពីសប្តាហ៍មុនប្រធានាធិបតីអ៊ីស្រាអែលលោក Isaac Herzog ក៏បានចាប់ផ្តើមយុទ្ធនាការវ៉ាក់សាំងដូសទី៣លើមនុស្ស ដែលមានអាយុលើសពី ៦០ ឆ្នាំ នៅក្នុងប្រទេស។
សហរដ្ឋអាមេរិក កាលពីខែកក្កដា នេះ ក៏បានចុះហត្ថលេខាលើកិច្ចព្រមព្រៀងមួយជាមួយក្រុមហ៊ុន Pfizer Inc (PFE.N) និងដៃគូអាល្លឺម៉ង់ BioNTech ដើម្បីទិញវ៉ាក់សាំងកូវីដ ១៩ ចំនួន ២០០ លានដូសបន្ថែម ដើម្បីចាក់ដល់កុមារ និងប្រើប្រាស់សម្រាប់ដូសទី៣ ផងដែរ៕