The Phnom Penh Post Search

Search form




Logo of Phnom Penh Post newspaper Phnom Penh Post - តើដល់ពេលដែល​​ចិ​ន​ត្រូ​​វប​ន្ធូ​រ​បន្ថ​យ​ការទប់​ស្កាត់​ជំងឺកូវីដ ​​និងរៀនរស់​​ជាមួ​​យ​មេ​រោ​គហើ​យ​ឬ​នៅ?

តើដល់ពេលដែល​​ចិ​ន​ត្រូ​​វប​ន្ធូ​រ​បន្ថ​យ​ការទប់​ស្កាត់​ជំងឺកូវីដ ​​និងរៀនរស់​​ជាមួ​​យ​មេ​រោ​គហើ​យ​ឬ​នៅ?

Content image - Phnom Penh Post
គ្រូពេទ្យកំពុងយកសំណាកស្រ្តីម្នាក់នៅទីក្រុងវូហាន ក្រោយផ្ទុះការរីករាលដាលមេរោគបំប្លែងថ្មីប្រភេទដែលតា។ រូបថត AFP

តើដល់ពេលដែល​​ចិ​ន​ត្រូ​​វប​ន្ធូ​រ​បន្ថ​យ​ការទប់​ស្កាត់​ជំងឺកូវីដ ​​និងរៀនរស់​​ជាមួ​​យ​មេ​រោ​គហើ​យ​ឬ​នៅ?

ក្រោយ​មាន​ការ​ផ្ទុះ​ឡើង​វ៉ារ៉្យង់​ដែល​តា​ ចេញ​​ពី​​អាកា​ស​យានដ្ឋា​ន​​ណានជី​ង​ និង​បាន​រាល​ដាល​ដល់​ខេត្ត​យ៉ាង​តិច​ចំនួន​ ១៧ និង​មាន​ករណី​ឆ្លង​​ជាង​ ៧០០​​ ករណី​ គិត​ចាប់​ពីថ្ងៃទី ២០ កក្កដា​ មក ប្រទេ​ស​ចិន ​ម្នី​ម្នា​ចាត់​វិធាន​ការ​រឹត​ត្បិត​ការ​ធ្វើដំណើរ និង​បិទខ្ទប់​តំបន់​ ដែល​រីក​រាល​ដាល​ ដើម្បី​ទប់​ស្កាត់​ឥទ្ធិពល​វ់ារ៉្យង់​ដែល​តា​នេះ​។ នេះ​បាន​តាម​ឱ្យដឹង​ពី​សារព័ត៌មាន​ South China Morning Post។​

វ៉ារ៉្យង់ដែល​តា​នេះទៀត​សោត បាន​ដាក់​សម្ពាធ​ដល់​យុទ្ធសាស្រ្ត​ «លុប​បំបាត់ដល់​សូន្យ​របស់​ចិន​» ដែល​ព្យាយាម​ធ្វើ​ឱ្យ​ករណី​កម្រិត​ទាប​បំផុត​ ដោយ​ការ​ដាក់​ឱ្យ​នៅដាច់ដោយឡែក​ ការធ្វើតេស្ត ពាក់​ម៉ាស់​ការ​ចាក់​សោរ​ ការ​ទប់​ស្កាត់​ ការ​ធ្វើ​ដំណើរ​ និង​វិធាន​ការ​ផ្សេង​ទៀត​ ដែល​ជាវិធីសាស្រ្តមួ​យត្រូវ​បាន​អនុវ​ត្ត​នៅនឹ​ងក​ន្លែងផង​ដែរ អូស្ត្រាលីនិង​នូវែល​សេ​ឡង់ ផងដែរ​​។​

លោក Feng Zijian ប្រធានសមាគម​វេជ្ជសាស្ត្រ​បង្ការ​ចិន​ បា​នប្រា​ប់​ទ​ស្ស​នា​វ​ដ្តី China Newsweek កាល​ពី​សប្តាហ៍​​មុន​ថា​ ប្រទេសនេះ​នឹង​ត្រូវ​រក្សា​វិធានការត្រួតពិនិត្យ​យ៉ាង​តឹង​រ៉ឹង​នៅ​តាម​ព្រំដែន​ និង​នៅ​ពេល​មាន​ការ​ផ្ទុះ​ឡើង​​ រ​ហូត​ដល់វា​ឈា​ន​ដល់អ​ត្រា​ចា​ក់​វ៉ា​ក់​សាំ​ង​ខ្ព​ស់។​

យោង​តាម​មជ្ឈមណ្ឌល​គ្រប់​គ្រង​ និង​បង្ការ​ជំងឺ​ចិន​ បាន​ឱ្យ​ដឹ​ង​ថា​ ប្រទេស​នេះ​បាន​ចែក​ចាយ​វ៉ាក់សាំង​រួច​​ចំនួន ១,៧៧ ពាន់លាន​ដូស​​គិតត្រឹ​ម​ថ្ងៃសៅរ៍ សប្ដាហ៍​មុន​ សម្រាប់​ប្រជា​ជន​ក្នុង​ប្រទេស​សរុប​ប្រមាណ ​១,៤ ពាន់​លាន​ នាក់​​។​

លោកបាន​និយាយថា​ ប្រទេស​ចិន​នឹង​ត្រូវ​ធ្វើការ​សម្រេច​ចិត្ត​លើកា​រកែ​ស​ម្រួ​ល​លើក​ការចែក​ចាយ​វ៉ាក់សាំង​​លើ​អ្នក​ទទួល​បាន​វ៉ាក់សាំង​ ប៉ុន្តែ​​មាន​​​ពិបាក​ក្នុ​ង​​​កា​រ​​​វា​យត​ម្លៃ​​​ពី​​ផ​​លប៉ះពា​ល់​​​នៃ​កា​រ​ចាក់​វ៉ាក់សាំង​ ដោ​យ​​​សារ​​ករណី​ចំនួន​កូវីដ​ ១៩ នៅ​មាន​ចំនួន​ទាប​នៅឡើយ​។​ លោក​ក៏​បាន​និយាយ​ផង​ដែរ​ថា​ ប្រព័ន្ធ​ថែទាំ​សុខភាព​នឹ​ង​ ត្រូវ​ត្រៀម​ខ្លួន​សម្រាប់​ការ​ផ្លាស់​ប្តូរ​វិធានការ​នានា​ ដើម្បី​កុំ​ឱ្យ​មន្ទីរពេទ្យ​របស់​ខ្លួន​មាន​ភាព​មមា​ញឹកពេក​​។​

លោក Thomas មកពី​សាកលវិទ្យាល័យ​ City University បាន​និយាយ​ថា​ បញ្ហា​មួយ​ទៀត​ ដែល​ធ្វើ​ឱ្យ​ប្រទេស​ចិន​​ពិបាក​ក្នុង​ការ​បន្ធូរ​បន្ថយ​វិធាន​តឹង​រ៉ឹង​គឺ ​ដោយសារប្រសិទ្ធភាព​របស់​​វ៉ាក់​​សាំង​​ចិនគឺ ​​Sinopharm និង​ Sinovac​ ដែល​នៅ​មាន​​​ប្រសិទ្ធ​ខ្សោយ​​ប្រឆាំង​​នឹ​​ង​វ៉ារ៉្យង់​ដែល​តា​​ ​ដែល​​អាច​​ធ្វើ​​ឱ្យ​ប្រ​ជា​ជ​​​ន​ប្រ​ឈ​ម​នឹ​ង​ហានិ​ភ័​យ​ ប្រ​សិ​​ន​បើ​ប្រ​ទេស​នេះ​ ​បើ​​​កដំណើរ​ធម្ម​តា​ឡើ​ង​វិញ​។

លោក​បាន​មាន​ប្រសាសន៍​ថា​៖ «ប្រទេស​នេះ​ជាប្រទេស ដែល​មាន​ចំនួន​ប្រជាជន​ច្រើន​​ ដូច្នេះ​កាល​នេះ​ ចំនួន​ប្រជាជន​ដ៏​ធំ​សម្បើម​នេះ ​មិ​ន​​​អា​ច​​ធ្វើ​​​ការ​ ឬធ្វើ​ដំណើរ​ទៅ​ណា​បាន​ វា​នឹង​បណ្ដាល​​​ឱ្យ​មាន​បញ្ហា​​​ប្រឈម​ផ្នែក​សេដ្ឋកិច្ច​​ និង​នយោបាយ​សម្រាប់​រដ្ឋា​ភិបាល​​។ វា​​​​អាច​​​ទៅ​​​រួច ប្រសិន​បើ​​​ប្រទេស​​ចិន​​ចង់​រៀន​រស់​​នៅ​​ជាមួយ​វីរុ​ស​​ប៉ុន្តែ​​វា​មាន​​​បញ្ហា​​ប្រឈម​​មួយ​​ចំនួន​ ដែល​វា​ត្រូវ​តែ​ដោះស្រាយ​​មុន​នឹង​លទ្ធភាព​នេះធ្វើ​ទៅ​បាន​​​ដោយ​សុវត្ថិភាព​»​។​

ទោះយ៉ាងណាក្ដី អ្នកជំនាញ​ខាង​វី​រុស​កំពូល​ចិន​លោក​ Shi Zhengli បាន​អំពាវនាវ​ជា​ថ្មី​ម្តង​ទៀត​ដល់​សាធារណ​ជន​​​​ឱ្យ​ទទួលថ្នាំ​បង្ការ​ប្រឆាំង​កូវីដ​ ១៩​ ដើម្បី​បង្កើន​ភាព​ស៊ាំ​ ខណៈ​​​ពិ​ភ​ព​​​លោ​ក​ត្រូ​វ​ត្រៀ​ម​ខ្លួ​ន​ ដើ​ម្បី​រៀន​រស់​ជាមួយ​វីរុ​ស​នេះ។ នៅ​ក្នុង​របា​យ​កា​រ​ណ៍​មួ​យកា​ល​ពី​ថ្ងៃពុធ សប្ដាហ៍​មុន​ ផ្សាយ​ដោយ Health Times លោក Shi បាន​អំពាវ​នាវ​ដល់​សា​ធា​រ​ណ​ជ​ន​កុំ​ស្ទា​ក់​ស្ទើ​រ​ក្នុ​ង​កា​រ​ចា​ក់វ៉ា​ក់​សាំ​ង​។

លោក Shi បាន​និយាយថា៖​«ដោយ​សារ​ចំនួន​ករណី​ឆ្លង​កាន់​តែ​កើនឡើង​ខ្លាំង​ វា​កាន់​តែ​អនុញ្ញាត​ឱ្យ​វីរុស​នេះ មាន​ឱកាស​បំប្លែង​ខ្លួន​​និង​បង្កើន​បានជា​វ៉ារ៉្យង់​ថ្មី​​។ ​វ៉ារ្យ៉​ង់ថ្មី​ នឹង​នៅ​តែ​បន្តលេច​ឡើង»​។​

សាស្រ្តាចារ្យ JinDongyanអ្នកជំនាញ​ខាង​វីរុស​ម៉ូលេគុល​នៅ​សាកលវិទ្យាល័យ​ហុង​កុង​ បាន​និយាយ​ថា​ លោក​យល់​ស្រប​​ជា​មួយលោក Shi ដែល​សាធារណជន​គួរ​តែ​ត្រៀម​ខ្លួន​ ដើម្បី​រួម​រស់​ជាមួ​យមេ​​រោ​គ​នេះក្នុ​ង​រយៈពេល​យូរ​ ឬ​ជារៀ​ង​រហូ​ត​។​

បន្ថែមពីនេះ មន្រ្តី​នៅ​ចក្រភព​អង់គ្លេស​ និង​សិង្ហបុរី បាន​លើក​ទឹកចិត្ត​យ៉ាង​ច្បាស់​ដល់​ប្រជាជន​ឱ្យ​សម្រប​ខ្លួន​ទៅ​នឹងវីរុស​ និង​រស់​​នៅ​ជា​មួ​យវា​។ លោក Zhang Wenhong អ្នកជំនាញ​ខាងជំងឺ​ឆ្លងឈា​នមុខគេ​នៅ​ទី​ក្រុង​​ស៊ាង​ហៃ​ បាន​និយាយ​កាល​​ពីពេ​លថ្មីៗនេះ​ថា​ អ្នកជំនាញ​ខាងមេ​រោ​គ​ឆ្ល​ងភា​គ​ច្រើ​ន​នៅ​លើ​ពិភព​ លោក​យល់ស្រប​ថា​ពិភពលោក​ត្រូវ​រៀន​រស់​នៅ​ជា​មួ​យ​មេ​​រោគ​នេះ។​​

ទន្ទឹម​នឹង​នេះ បេសក​ជនការ​ទូត​កំពូល​​ៗ បានអំ​ពាវនាវ​ឱ្យ​ទីក្រុង​ប៉េកាំង​ បន្ធូ​រ​បន្ថយ​ការ​រឹត​បន្តឹង​​ការ​ធ្វើ​ដំណើរ​ និង​បង្កើន​តម្លា​ភាព​ខណៈ​ពេល​​​ប្រទេសនានា​ កំពុង​​វា​យ​តម្លៃ​​​អំពី​តួនាទីប្រទេស​ចិន​​​ក្នុង​កំណែ​ទម្រង់​ពាណិជ្ជកម្ម​ពិភព​លោក​​ បន្ទាប់​ពី​ជំងឺ​​រាត​ត្បាត​​។ ការ​អំពាវនាវ​នេះ​ ត្រូវ​បាន​ធ្វើ​ឡើង​នៅ​ក្នុង​វេទិកា​ទីក្រុង​ប៉េកាំង​ កាល​ពី​ថ្ងៃសុក្រចំ​ពេល​មាន​ការ​ព្រួយ​បារម្ភ​ពី​អន្តរជាតិ​ជុំវិញ​ចង្វាក់​ផ្គត់ផ្គង់​ និង​ការ​រំខាន​ពាណិជ្ជកម្ម​ធ្ងន់​ធ្ងរ​ ដែល​បណ្តាល​មក​ពី​ការ​រីករាល​ដាល​នៃ​មេរោគ​ឆ្លង​។​

ស្ថាន​ទូត​ប្រទេស​នានា​ប្រចាំ​​ទីក្រុង​ប៉េកាំង​ ក៏​បាន​សម្តែង​ការ​ព្រួយ​បារម្ភ​អំពី​និស្សិត​បរទេស​រាប់​សែននាក់​ ដែល​មិន​ត្រូវ​បាន​​អនុញ្ញាត​ឱ្យ​វិល​ត្រឡ​ប់​ទៅ​ប្រ​ទេ​ស​ចិ​នវិ​ញ​ ដោយ​សា​រ​តែពួកគេមិនអាចទទួ​ល​បា​ន​ទិដ្ឋាកា​រ​។ ឯក​អគ្គរដ្ឋ​ទូត​ស្វីស​ប្រចាំទី​ក្រុង​​ប៉េកាំង​ លោក Bernardino Regazzoni បាននិយាយថាការរឹតត្បិត​ការ​ធ្វើដំណើរ​ ដោយ​ប្រទេស​ចិន​គឺ​ជា​ប្រ​ភ​ព​នៃ​កា​រ​ព្រួយ​បា​រ​​ម្ភ​៕

អត្ថបទគួរចាប់អារម្មណ៍