.jpg)
លោក Seungri (កណ្តាល) ថ្លែងទៅកាន់ប្រព័ន្ធផ្សព្វផ្សាយខណៈលោកមកដល់ ដើម្បីឱ្យប៉ូលិសសាកសួរក្នុងទីក្រុងសេអ៊ូល។ AFP
កាលពីថ្ងៃព្រហស្បតិ៍ ទី ១២ សីហា អតីតតារាចម្រៀងកូរ៉េ ត្រូវបានតុលាការយោធាកូរ៉េខាងត្បូងកាត់ទោសឱ្យជាប់ពន្ធនាគារ ៣ ឆ្នាំ បន្ទាប់ពីការចោទប្រកាន់ពីបទរំលោភផ្លូវភេទ។
អតីតសមាជិកក្រុមចម្រៀងកូរ៉េខាងត្បូង Big Bang លោក Seungri ត្រូវបានចោទប្រកាន់ដោយគ្មានការឃុំខ្លួនក្នុងឆ្នាំ ២០២០ ពីបទបានរៀបចំពេស្យាចារសម្រាប់វិនិយោគិន សូកប៉ាន់ ប្រព្រឹត្តល្បែងស៊ីសងខុសច្បាប់ និងរំលោភលើការដោះដូររូបិយបណ្ណបរទេស និងច្បាប់អនាម័យម្ហូបអាហារ។
ការចោទប្រកាន់ និងការផ្តន្ទាទោសរបស់លោក Seungri គឺជាផ្នែកមួយនៃរឿងអាស្រូវ Burning Sun នៅក្លិបរាត្រីមួយនៅសង្កាត់ Gangnam ទីក្រុងសេអ៊ូល។
តាមប៉ូលិសក្រុងសេអ៊ូល Burning Sun គឺជាកន្លែងដែលលោកបានល្មើសច្បាប់ ដោយនៅទីនោះមានការប្រើប្រាស់អំពើហិង្សាលើអតិថិជន មានសេវាកម្មរកស៊ីផ្លូវភេទសម្រាប់ភ្ញៀវ ការរំលោភសេពសន្ថវៈ ការជួញដូរគ្រឿងញៀន និងការប្រើប្រាស់គ្រឿងញៀន។ ស្ត្រីជាច្រើនរូប បានចេញមុខមកតវ៉ានឹងការចោទប្រកាន់ថា ត្រូវបានគេរំលោភបំពាន ឬត្រូវបានគេដាក់ថ្នាំសណ្តំនៅក្នុងក្លិបនោះ៕
