.jpg)
ស្ត្រីម្នាក់ទទួលបានចាក់វ៉ាក់សាំងកូវីដ១៩ Moderna ដែលត្រូវបានផ្តល់ដោយអាមេរិក ក្នុងអំឡុងកិច្ចប្រឹងប្រែងជំរុញការចាក់វ៉ាក់សាំងនៅជាយក្រុង Banda Aceh កាលពីថ្ងៃទី ១៣ សីហា។ AFP
ការដាក់ខ្លួននៅដាច់ដោយឡែករបស់អ្នកវិជ្ជមានកូវីដ ១៩ នៅប្រទេសឥណ្ឌូនេស៊ី បានបង្កឱ្យមានចំនួនអ្នកស្លាប់នៅផ្ទះកើនឡើង។
តាមការរាយការណ៍របស់សារព័ត៌មាន CNN នៅប្រទេសឥណ្ឌូនេស៊ី មនុស្សជិត ៥០ នាក់បានស្លាប់ នៅផ្ទះដោយសារជំងឺកូវីដ ១៩ ទោះបីជានៅមន្ទីរពេទ្យមានគ្រែសម្រាប់ព្យាបាលអ្នកជំងឺក៏ដោយ។
គួរបញ្ជាក់ផងដែរថា ប្រទេសឥណ្ឌូនេស៊ី បានបញ្ជាឱ្យអ្នកជំងឺកូវីដ ១៩ កម្រិតស្រាលដាក់ខ្លួនឱ្យនៅ ដាច់ដោយឡែក និងសម្រាកព្យាបាលនៅតាមផ្ទះរៀងៗខ្លួន។ វិធីសាស្រ្តត្រូវបានគេមើលឃើញថាបានបង្ក ឱ្យមានការកើនឡើងនៃករណីស្លាប់ដោយសារកូវីដ ១៩ នៅតាមផ្ទះ។
លោក Daeng M. Faqih ប្រធានសមាគមវេជ្ជសាស្ត្រឥណ្ឌូនេស៊ីបាននិយាយថា យុទ្ធសាស្រ្តរបស់រដ្ឋាភិបាលក្នុងការមើលថែអ្នកជំងឺកូវីដ ១៩ ត្រូវមានការផ្លាស់ប្តូរ។ លោកបាននិយាយថា៖ «ឥឡូវនេះ យើងកំពុងគាំទ្ររដ្ឋាភិបាលឱ្យមានការផ្លាស់ប្តូរគោលនយោបាយដាក់ខ្លួនឱ្យនៅដាច់ដោយឡែកនៅផ្ទះ»៕
