.jpg)
លោកស្រីប្រធានាធិបតីតៃវ៉ាន់ Tsai Ing-wen ថ្លែងនាពេលកន្លងទៅ។ AFP
កាលពីថ្ងៃចន្ទ ទី ២៣ ខែសីហា ប្រធានាធិបតីតៃវ៉ាន់ទទួលការចាក់វ៉ាក់សាំងការពារជំងឺកូវីដ ១៩ ដែលផលិតនៅក្នុងស្រុកលើកដំបូងរបស់តៃវ៉ាន់។
លោកស្រី Tsai Ing-wen បានសម្រេចឈប់ប្រើវ៉ាក់សាំង Moderna ឬ AstraZeneca ក្នុងយុទ្ធនាការចែកចាយវ៉ាក់សាំងការពារកូវីដ ១៩ នៅក្នុងកោះតៃវ៉ាន់ បានទទួលការចាក់វ៉ាក់សាំងការពារកូវីដ ១៩ ពី Medigen នៅមន្ទីរពេទ្យមួយនៅកណ្តាលទីក្រុងតៃប៉ិ ដោយលោកស្រីបានបង្ហាញពីទំនុកចិត្តរបស់លោកស្រីចំពោះសុវត្ថិភាពនៃវ៉ាក់សាំងនេះ។
បន្ទាប់ពីទទួលការចាក់វ៉ាក់សាំង ហើយលោកស្រីបានសរសេរសារនៅលើប្រព័ន្ធបណ្តាញសង្គមថា ការចាក់វ៉ាក់សាំងនេះ មិនមានភាពឈឺចាប់ទេ ហើយលោកស្រីមានស្មារតីល្អអាចបន្តធ្វើការបាន ។
រហូតមកដល់ពេលនេះមានមនុស្សជាង ៧០ ម៉ឺននាក់ បានចុះឈ្មោះដើម្បីទទួលការចាក់វ៉ាក់សាំង Medigen ដែលវ៉ាក់សាំងនេះត្រូវការរយៈពេល ២៨ ថ្ងៃ ដើម្បីចាក់ដូសសទី២ បន្ទាប់ពីការចាក់លើកទី១។
វ៉ាក់សាំងនេះមិនទាន់បញ្ចប់ការសាកល្បងនៅគ្លីនិកនៅឡើយទេ ហើយមិនមានទិន្នន័យអំពីប្រសិទ្ធភាពនោះទេ ប៉ុន្តែរដ្ឋាភិបាលបាននិយាយថា ការសិក្សារហូតមកដល់ពេលនេះ បានបង្ហាញថា អង្គបដិបក្ខ ប្រាណដែលបង្កើតឡើងដោយការប្រើប្រាស់វ៉ាក់សាំងនេះ គឺមិនមានផ្តល់ជាលទ្ធផលអវិជ្ជមានអ្វីឡើយ៕
