ការស្រាវជ្រាវ បានបង្ហាញថា ការប្រែប្រួលអាកាសធាតុ អាចនឹងធ្វើឱ្យមានភ្លៀងធ្លាក់ខ្លាំង និងទឹកជំនន់កើនឡើងពី ១,២ ទៅ ៩ ដង នាពេលខាងមុខនៅប៉ែកអឺរ៉ុប។
ការសិក្សាស្រាវជ្រាវនេះ បានចេញផ្សាយកាលពីថ្ងៃទី ២៤ សីហា ដោយការសិក្សានេះ បានប្រើកំណត់ត្រាប្រវត្តិសាស្ត្រ និងការពិសោធតាមរយៈបច្ចេកទេសកុំព្យូទ័រ ដើម្បីពិនិត្យមើលសីតុណ្ហភាពដែលអាចប៉ះពាល់ ដល់ទឹកភ្លៀងចាប់ពីចុងសតវត្សរ៍ទី១៩ ដល់បច្ចុប្បន្ន។
លោកSjoukje Philipដែលជាអ្នកនាំមុខគេនៃការស្រាវជ្រាវនេះ និងជាអ្នកស្រាវជ្រាវម្នាក់នៅទីភ្នាក់ងារអាកាសធាតុហូឡង់ KNMI បាននិយាយថា ការប្រែប្រួលអាកាសធាតុ បានធ្វើឱ្យមានគ្រោះធម្មជាតិដែលកើតមានឡើងកន្លងមក។ លោកបានបន្តនិយាយថា ទឹកភ្លៀងធ្លាក់កាន់តែច្រើនជាងកាលពី ១០០ ឬ ១៥០ ឆ្នាំមុនដូច្នេះ ឥឡូវនេះយើងឃើញថា ព្រឹត្តិការណ៍ទាំងនេះ គឺមានទំនាក់ទំនងជាមួយការប្រែប្រួល អាកាសធាតុ។
អ្នកស្រាវជ្រាវជិត ៤០នាក់មកពីទ្វីបអឺរ៉ុប សហរដ្ឋអាមេរិក និងនូវែលសេឡង់ បានចូលរួមក្នុងការសិក្សាស្រាវជ្រាវនេះពីស្ថាប័ននានារួមមានសាកលវិទ្យាល័យOxfordការិយាល័យរបស់ចក្រភពអង់គ្លេស សេវាកម្មអាកាសធាតុរបស់អាល្លឺម៉ង់ និងសាកលវិទ្យាល័យ Columbia៕