កាលពីថ្ងៃអង្គារ ទី ២៤ សីហា អ្នកស្រី Kathleen C. Hochul បានក្លាយជាស្ត្រីដំបូងគេដែលឡើងកាន់តំណែងជាអភិបាលក្រុងញូវយ៉ក បន្ទាប់ពីលោក Andrew Cuomo បានលាលែងពីតំណែង។
អ្នកស្រី Kathleen C. Hochul វ័យ ៦២ ឆ្នាំ ជាអតីតតំណាងរាស្ត្របានស្បថចូលកាន់តំណែងជាអភិបាលក្រុងញូវយ៉ក សហរដ្ឋអាមេរិកនៅវិមានកាពីតូល កាលពីម៉ោង ១០ ព្រឹកថ្ងៃទី ២៤ សីហា។ ការឡើងកាន់តំណែងជាអភិបាលក្រុងរបស់អ្នកស្រី គឺធ្វើឡើងបន្ទាប់ពីមានការចោទប្រកាន់បៀតបៀនផ្លូវភេទជាបន្តបន្ទាប់របស់លោក Cuomo ដែលធ្វើឱ្យលោកលាលែងពីតំណែង។
លោកស្រី Hochul បាននិយាយថា គោលដៅរបស់លោកស្រីគឺធានាឱ្យមានការវិលត្រឡប់ទៅសាលាវិញដោយសុវត្ថិភាពនៅខែក្រោយនេះ ហើយអ្នកស្រីបានបន្តនិយាយថា អ្នកស្រីនឹងដឹកនាំមន្ទីរសុខាភិបាល ដើម្បីបង្កើតគោលនយោបាយទូទាំងក្រុងដែលតម្រូវឱ្យមានការពាក់ម៉ាស់សម្រាប់អ្នកដែលចូលរៀននៅក្នុងសាលារៀនវិញ៕