.jpg)
ក្រុមសមាជិកសភាទ្វេភាគីអាមេរិក បានរិះគន់តំណាងរាស្រ្តជាច្រើនរូប ដែលបានធ្វើដំណើរទស្សនកិច្ចទៅអាហ្វហ្គានីស្ថានស្ងាត់ៗ កាលពីថ្ងៃពុធ កន្លងទៅនេះ ដើម្បីសង្កេតមើលកិច្ចប្រឹងប្រែងជម្លៀសរបស់យោធាអាមេរិក។ នេះបើតាមសារព័ត៌មាន NBC News។
ប្រធានសភាលោកស្រី Nancy Pelosi បាននិយាយថា លោកស្រីបានដឹងអំពីដំណើរនេះកាល ពីថ្ងៃអង្គារ មុនពេលវាត្រូវបានផ្សព្វផ្សាយជាសាធារណៈ ប៉ុន្តែមិនបាននិយាយអ្វីទេព្រោះវានឹងបង្កគ្រោះថ្នាក់ដល់សមាជិកទាំង ២ រូប ដែលពួកគេទាំង ២ រូប បានបម្រើការនៅអ៊ីរ៉ាក់មុនពេលពួកគេត្រូវបានជ្រើសរើសចូលសភា។
លោកស្រី Pelosi បាននិយាយថា៖ «នេះគឺជាគ្រោះថ្នាក់ធ្ងន់ធ្ងរដោយបញ្ជាក់ថា ថ្នាក់ដឹកនាំមិនចង់ឱ្យសមាជិកណាម្នាក់ធ្វើដំណើរទៅកាន់ប្រទេសអាហ្វហ្គានីស្ថានឡើយ ព្រោះស្ថានភាពមានភាពតានតឹងលើធនធានរួចទៅហើយ»។
ការធ្វើដំណើរទស្សនកិច្ច ដែលធ្វើឡើងដោយសមាជិកសភាជាធម្មតា ក្រោយមានការយល់ព្រមពីគណៈកម្មាធិការសភាហើយលោកស្រី Pelosi បាននិយាយថា ពួកគេមិនមានភ្លើងខៀវពីខាងគណបក្សប្រជាធិបតេយ្យនោះទេ។ មន្រ្តីរដ្ឋបាលក៏បានបញ្ជាក់ថា ពួកគេមិនបានដឹងអំពីដំណើរនេះទេ៕
