.jpg)
លោកស្រី Annalena Baerbock ចូលរួមការជជែកដេញដោលអំពីការប្រែប្រួលអាកាសធាតុកាលពីថ្ងៃទី ២៩ សីហា។ AFP
នៅក្នុងការជជែកដេញដោល Armin Laschet, Olaf Scholz និង Annalena Baerbock បានពិភាក្សា អំពីដំណោះស្រាយការប្រែប្រួលអាកាសធាតុ ខណៈដែលការបោះឆ្នោតជ្រើសរើសអធិការបតី កាន់តែខិតជិតមកដល់។
លោកស្រី Baerbock បាននិយាយថា គណបក្សរបស់លោកស្រី នឹងប្រើប្រាស់ដីអាល្លឺម៉ង់ចំនួន ២ ភាគរយដើម្បីដាក់ទួរប៊ីនខ្យល់ ហើយផ្ទះដែលទើបសាងសង់ថ្មី នឹងត្រូវមានបន្ទះសូឡានៅលើដំបូល ហើយអនុញ្ញាតឱ្យលក់តែរថយន្តដែលគ្មានការបំភាយ ចាប់ពីឆ្នាំ ២០៣០។ ប៉ុន្តែលោក Laschet បាននិយាយថា ការធ្វើបែបនេះ គឺជាការដាក់សម្ពាធទៅលើអាជីវកម្មនៅក្នុងប្រទេស។
អ្នកទាំង៣ហាក់ដូចជាស្របគំនិតគ្នាច្រើនដូចជាលើបញ្ហានៅប្រទេសអាហ្វហ្គានីស្ថាន និងជំងឺរាតត្បាតកូវីដ ១៩។ ប៉ុន្តែពួកគេមានគំនិតខ្វែងគ្នាតែទៅលើប្រធានបទបញ្ហាប្រែប្រួលអាកាសធាតុប៉ុណ្ណោះ។
អ្នកទាំង ៣ ក៏មិនយល់ស្របលើគោលនយោបាយពន្ធផងដែរដោយលោក Scholz បានអំពាវនាវឱ្យ ដំឡើងពន្ធលើប្រាក់ចំណូលលើអ្នកមានប្រាក់ចំណូលខ្ពស់។ ប៉ុន្តែលោក Laschet ដែលជានាយករដ្ឋមន្រ្តីនៃរដ្ឋនៅតំបន់ដែលមានប្រជាជនច្រើន North Rhine-Westphalia បានបដិសេធការដំឡើងពន្ធនេះ។ លោកបាននិយាយថា ការដំឡើងពន្ធជាវិធីសាស្រ្តមួយមិនសមស្របក្នុងអំឡុងពេលសេដ្ឋកិច្ចបែបនេះ៕
