.jpg)
ចលនាតស៊ូអាហ្វហ្គានីស្ថាននិងកងកម្លាំងបះបោរប្រឆាំងតាលីបង់ដើរត្បាតតាមបណ្តោយផ្លូវ១ក្នុងស្រុក Rah-e Tang នៃខេត្ត Panjshir។AFP
ក្រុមមេដឹកនាំអាហ្វហ្គានីស្ថានជើងចាស់ ១ ក្រុម កំពុងជជែកគ្នាជាមួយក្រុមតាលីបង់ ហើយគ្រោងនឹងជួបគ្នាក្នុងរយៈពេលប៉ុន្មានសប្តាហ៍ទៀត ដើម្បីចរចាស្តីពីរដ្ឋាភិបាលបន្ទាប់របស់ប្រទេសនេះ។
លោក Khalid Noor កូនប្រុសរបស់លោក Atta Mohammad Noor ដែលជាអភិបាលនៅខេត្ត Balkh ភាគខាងជើងប្រទេសអាហ្វហ្គានីស្ថាន បាននិយាយថា ក្រុមនេះរួមមានមេដឹកនាំជនជាតិភាគតិចអ៊ូសបេក លោក Abdul Rashid Dostum និងអ្នកផ្សេងទៀតដែលប្រឆាំងនឹងការចូលកាន់កាប់របស់តាលីបង់នៅប្រទេសអាហ្វហ្គានីស្ថាន។
លោក Khalid Noor អាយុ ២៧ ឆ្នាំ បាននិយាយនៅក្នុងបទសម្ភាសមួយថា៖ «យើងចូលចិត្តចរចារួមគ្នា ព្រោះវាមិនមែនថាបញ្ហាអាហ្វហ្គានីស្ថាន ត្រូវដោះស្រាយដោយយើងម្នាក់ទេ»។ លោកបានបន្តថា ការចរចាមានសារៈសំខាន់សម្រាប់សហគមន៍នយោបាយទាំងមូលរបស់ប្រទេស ជាពិសេសមេដឹកនាំដែលមានអំណាចដោយមានការគាំទ្រពីសាធារណជន៕
