និយតករ​វី​ដេ​អូ​ហ្គេ​ម​រ​ប​ស់ចិ​ន​ បា​ន​និ​យា​យថា អ្នកលេ​ងហ្គេមអនឡាញ​ដែល​មាន​អាយុក្រោម ១៨ឆ្នាំ​ នឹង​ត្រូវ​បា​ន​អ​នុ​ញ្ញាត​ឱ្យ​លេ​ង​​តែ​១​ម៉ោ​ង​ប៉ុ​​ណ្ណោះនៅ​ថ្ងៃសុក្រ ថ្ងៃ​ចុ​ងសប្តាហ៍ និង​ថ្ងៃ​​ឈ​ប់​ស​ម្រា​ក​។

រដ្ឋបា​ល​សា​រ​​ព័ត៌មាននិង​កា​រ​បោះ​ពុ​ម្ព​ផ្សា​យ​ជាតិ បាន​​ប្រា​ប់​ទី​ភ្នា​ក់​ងា​រ​សារ​ព័​ត៌មានXinhua ថា ការ​លេ​ង​ហ្គេ​មនឹ​ង​ត្រូ​វ​បា​ន​អ​នុ​ញ្ញា​ត​នៅ​ច​ន្លោះ​ម៉ោ​ង​​៨ យ​ប់​ដ​ល់​ម៉ោង​ ៩​​យប់​ប៉ុ​ណ្ណោះ​។ គោល​ការណ៍​នេះ ក៏​បាន​ណែនាំ​ដ​ល់​ក្រុ​ម​ហ៊ុ​ន​ហ្គេ​ម​កុំឱ្យ​​ក្មេ​ងៗ​​លេង​​នៅខា​ង​​ក្រៅពេ​ល​​ដែល​បានណែនាំ​នេះ។

កាល​ពី​ដើមខែ​នេះ ប្រ​ព័​ន្ធ​ផ្ស​ព្វ​ផ្សា​យ​រ​ដ្ឋ​បា​ន​​ដា​ក់​ឈ្មោះ​ហ្គេ​មអ​ន​ឡា​ញ​ថា​«អាភៀន​ខា​ង​វិញ្ញាណ»។​ក្រុម​ហ៊ុ​ន​ហ្គេម​​តា​មអ៊ីនធឺណិត​ ក៏នឹ​ង​ចាប់​ផ្ដើម​តាម​ដាន​ និង​ត្រួត​ពិនិត្យ​លើ​ពេលវេ​លា​​នៃ​ការ​លេង​ហ្គេម​របស់​កុមារ​ទៅ​តាម​គោល​ការណ៍​ដែល​កំណត់​ផងដែរ​។

ចំណាត់​ការនេះ ធ្វើ​ឡើងក្នុង​គោល​បំណង​​កាត់​បន្ថយ​ផលប៉ះ​ពា​​ល់​នៃ​កា​រ​លេង​ហេ្គម​ហួស​ប្រ​មា​ណ​លើ ​យុ​វ​ជន​ និង​កុមារ​។

គួរ​បញ្ជាក់ផងដែរថា ១​ខែ​មុ​ន​ពេ​ល​មាន​​កា​ររឹតត្បិតនេះ អ​ត្ថ​ប​ទ១ដែ​ល​ចុះ​ផ្សា​យដោយ​ព័​ត៌​មា​ន​​សេដ្ឋ​​កិច្ច​​ប្រ​ចាំ​ថ្ងៃ​គ្រប់គ្រង​ដោយរដ្ឋ បា​ន​អះ​អា​ង​ថា ​ក្មេ​ង​ជំ​ទ​ង់​ជា​ច្រើន បា​ន​ញៀ​ន​នឹ​ងហ្គេ​ម​អ​នឡាញហើយ​វា​ជះ​ឥ​​ទ្ធិ​ពល​អ​វិ​ជ្ជ​មា​ន​ដល់​ពួ​ក​គេ​។​អត្ថប​ទ​នេះ បាន​បង្ក​ឱ្យ​មា​នកា​រ​ធ្លា​ក់​​ចុះ​យ៉ា​ងខ្លាំ​ង​នៃ​ត​ម្លៃ​​ភាគ​​ហ៊ុន​នៅ​ក្នុ​ង​ក្រុ​ម​ហ៊ុ​ន​ហ្គេ​ម​អ​ន​ឡា​ញធំៗ មួយចំនួនរបស់ប្រទេសចិន៕­